تعال ياللي نبض قلبي موالفك=نبي نسامر ليلنا لين الأصباح
الليل راح أكثره وأبطى تخلفك=وشلون أعوض بعض من ليلنا راح
عجل علي الليل هاوي ملاطفك=جيتك عندي تبري لغاير أجراح
لا تبطي الجية بربي محلفك=أطياف لهفي بالفكر مثل مسباح
من طلعة النجمة بغازل وصايفك=عل وعسى هم الهوى منك ينزاح
يا بهجتي لا من سمعت لسوالفك=ترتاح روحي والفكر بعد يرتاح
لا شفت وسم الشوق بالوجه خاطفك=وسهم العيون الخادرة لي ذباح
وإلا الثمان البيض وإلا شفائفك=لا والله إلا منها خافقي طاح
لن قلتي إن الشوق والحب ناشفك=سكر غرامي في بحر مالحك ماح
لزمت ركن الصمت ما كني أعرفك=القلب من حسنك وذوقك بها ساح
يا وردةٍ(ن)من جنة الحسن قاطفك=سبحان كاشف بيننا سر الأرواح
تعالي اسقي لهفتي بلهف لاهفك=الشوق يدهج فيّ مسرى ومسراح
أسامر أطيافك وأراقب عواصفك=متى تهب وتطفي النار الأرياح
أشرب لفنجال الهوى مع قطايفك=تكسب ثواب بعاشقٍ(ن)للهوى ناح
مالي علاج إلا مشاعر عواطفك=هي راس مالي مطمعي كل الأرباح
يالحرة اللي ما تخيب لعاسفك=لا ثار عج الطعن بسيوف ورماح
فارسك ما يرخصك وإلا يخالفك=لا من صهلتي أطلق عنانك وصاح
ايصيح لك صيحة شجيعٍ(ن)بيشعفك=لا من لمح بارق على غرتك لاح
ينصفه من غر السحائب وينصفك=يسقيك من وبلٍ(ن)مسري بالأقداح
تعال ياللي نبض قلبي موالفك=نبي نسامر ليلنا لين الأصباح

المشاركة الأصلية كتبت بواسطة نجم سهيل (المشاركة 179064) صح لسانك ايها الراقي بدعت لا هنت تقبل اعجابي

المشاركة الأصلية كتبت بواسطة ذئب الطائف (المشاركة 179065) يا سلام يا سلام اروع من رائعة صح لسانك

المشاركة الأصلية كتبت بواسطة صاحب المعالي (المشاركة 179068) صح لسانك واعتلا شانك ابدعت لا هنت

المشاركة الأصلية كتبت بواسطة مشاعر شاعرة (المشاركة 179071) صح نبضك ايها القدير قصيدة راقية ربي يسعدك

المشاركة الأصلية كتبت بواسطة السنافي (المشاركة 179084) صحت انفاسك قصيدة ممتازة سجل اعجابي