ياسعيد أنا توبت شعار الحجاز=باقي أتوب كل شعار العرب
عقلي جبل وعقولهم مثل القزاز=ماني محسب ياولد لأطلق شنب
على النقا ماهي تحايل وإبتزاز=أمدها وأردها طيب وغصب
ماهو بهذا اليوم في كل الحزاز=ياما تصداني مهايط وإنغلب
ماني بخابر شاعرٍ(ن)جاني وفاز=ومنهو عجز بيقول حامض يا عنب
لن طق راس براس ما أقول إنحياز=لو صار دم المعركة لين الركب
كم جالنا من ثلب باليه الحزاز=غدى تحت حد الشباري ماكسب
لامن غدى للشعر بالفكر إنجراز=يصبح قصيدي نار وأخصامي حطب
أرش فوق الخصم قبل أحرقه قاز=وأرسل عليه من الفكر مثل الشهب
لو كان مابه بالخصم داني هماز=يعلن لي التوبة ليا ذاق اللهب
ما قلت شعري للتكسب وإعتياز=ولاني بمن ينظم قصيده بالطلب
ماجيت عابر للقوافي بالجواز=بنات فكري مرجع لكل الكتب
هذا قصيدي جاك والمبنى عزاز=بيتوبك ياسعيد ويشل العصب
لو أرسله على جبل جاه إهتزاز=ولو أرسله للبحر ياسعيد إنكب
تفتي لكنك ما توافق لإبن باز=السحر فوق اللي مسويه إنقلب
ياسعيد أنا توبت شعار الحجاز=باقي أتوب كل شعار العرب

لامــن غــدى للشـعـر بالفـكـر إنـجـراز=يصبح قصيدي نار وأخصامي حطب
أرش فـوق الخصـم قبـل أحرقـه قــاز=وأرسل عليه من الفكر مثـل الشهـب

كفوكفوهههههههههههههههههههه
ياسعيد طلع الخاتم الازرق ماله الاهو

المشاركة الأصلية كتبت بواسطة سنجارالمري (المشاركة 158183) صح الله السانك يابن هليل هذا البيت الله يكفيك شره ياسـعـيـد أنـــا تـوبــت شـعــار الـحـجــاز باقـي أتـوب كـل شعـار الـعـرب لاكن انشوف سعيد ايش يقول الحين راح صوب افريقا بجيب له سحر قوي علشان يغلب ابن هليل ههههه