القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   الليل يابن هليل لاهنت (https://www.alqwafel.com/vb/showthread.php?t=11882)

سعد حميد الثبيتي 31-10-2009 09:09 PM
الليل يابن هليل لاهنت
 
يابن هليل شد حيلك واحتزم ياالاجودي= الليله الليله ترى ماهي سوات البارحه
قدامك الميدان والميدان حزم(ن) جرهدي= اقدح بزندك يارفيقي مع زنود(ن) قادحه

binhlailبن هليــل 31-10-2009 09:21 PM
رد: الليل يابن هليل لاهنت
 
حياك الله يا أبا فواز


صح لسانك وبيض الله وجهك ......بعد الليله بنسجلك رسمي مع القصير


الدرب قدامك وحذرا يا رفيقي تحتدي=معك عيونك شوف وين الضاويه والسارحه
أنا على عهدك وسيفي يالعتيبي في يدي=ياكم واحد طاعنه بالسيف والا جارحه

سعد حميد الثبيتي 31-10-2009 09:39 PM
رد: الليل يابن هليل لاهنت
 
طيب طيب يابو عبدالله مع القصير مره وحده هههههه صح لسانك واستلم


انت المخير يارفيقي وش تحب ونبتدي=والحاليه ياصاحبي ماهي سوات المالحه
مااقول فيك قصور فالميقاف عزي وسندي= والذيب مايرقد ليا من شاف فرصه سانحه

binhlailبن هليــل 31-10-2009 09:45 PM
رد: الليل يابن هليل لاهنت
 
إن جاتني منكم كبيرة قلت زله يا ولدي=وإن جاتكم مني أبوكم والأبو بتسامحه
خلك معي بالدرب لاتقعد خلافي وبعدي=أنته وأنا من فاز بالطاروق محد(ن)مادحه

سعد حميد الثبيتي 31-10-2009 10:29 PM
رد: الليل يابن هليل لاهنت
 
مادامك انت بحسبة الوالد فانا ماني ردي= اعز مقدارك وصدرك بالمعزه شارحه
ياعار فتنا كيف اجي قدمك وحضرتك القدي= العود يابو زيد ورثك العروق السابحه

binhlailبن هليــل 31-10-2009 10:32 PM
رد: الليل يابن هليل لاهنت
 
صح لسانك والله يعينك إنفكت عليك جبهة ثانية



قود المعاني قودها خل السوالف تهتدي=ترا صلاتك ما تتم ليا تركت الفاتحه
ودك تحج قران والا حجتك بالمفردي=العمر يفنى ما يدوم الا العمال الصالحه

همسات شاعرية 31-10-2009 10:35 PM
رد: الليل يابن هليل لاهنت
 
يعطيــكم العافيــه عمالقـة شعار هذا المنتــدى



أبـدآآآآآع فـوق الـحـدووود


مبــدعيــن واصـلوا على هذا النهــج


صحت السنتكم


تحيــاتـي لكـم ,,,

عـادل الثبيتي 31-10-2009 10:37 PM
رد: الليل يابن هليل لاهنت
 
صحت السنتكم


بس فيه مشكله فالتنسيق لان اللي طالع عندي بس بدعتك يابو فواز وباقي المحاوره ماهي موجوده


؟؟؟؟



اتمنى الاقي جواب اذا المشكله عندي وحدي او عند الاعضاء كلهم ؟؟


ملاحظه

العطل فيه الابيات المنسقه فقط لان باقي الردود موجوده عندي

سعد حميد الثبيتي 31-10-2009 10:48 PM
رد: الليل يابن هليل لاهنت
 
طيب طيب يابو عبد الله الله يخارجني من هاالجبهه


الفرق واضح بين من هو ملتحي والامردي= واللي سنونه طافحه قالوا سنونك طافحه
الاوله نذبح فدي والثانيه مابه فدي= لكن نويت الاوله حتى تحوم الجارحه

binhlailبن هليــل 31-10-2009 10:52 PM
رد: الليل يابن هليل لاهنت
 
تدري....عندك عادل

أشوف نارك يا وسيع المعرفه بترمدي=قرب حطبها شبها ماعاد فيه مصالحه
أما شويتك جوفها والا بغيرك تفتدي=دام الشرا والبيع جائز والنظام مرابحه

فواز الثبيتي 31-10-2009 10:56 PM
رد: الليل يابن هليل لاهنت
 
صحت اللسنتكم يا شعار

بن هليل بيض الله وجهك


ابو فواز ابيض وجه ولا هي غريبة علاك


تقبلوا مروري ومتابعتي لكم مستمرة للفائدة

سعد حميد الثبيتي 31-10-2009 11:09 PM
رد: الليل يابن هليل لاهنت
 
طيب طيب واستلم


ترى الغرور يدهو ر الواحد وفاالدرب يغدي= ماعاد فيه مجامله مافيه غير مصارحه
ماينشوي غير الفراش اللي على النار يعدي=والله عوين الطيبين اهل الوجيه الفالحه

binhlailبن هليــل 31-10-2009 11:13 PM
رد: الليل يابن هليل لاهنت
 
بيض الله وجهك ....وافية


ونختمها بهالبيت....ودعاء المجلس



نبا نخليها ثنية والسعد للمسعدي=العرب ما عاد تاكل من لحم القارحه
بيض الله وجه أبو فواز رجل(ن)أجودي=والسوالف كلها ياصاحبي امازحه



سبحانك اللهم لا اله الا أنت أستغفرك وأتوب اليك

ابو عبدالرحمن 31-10-2009 11:16 PM
رد: الليل يابن هليل لاهنت
 
بيض الله وجيهكم جمـــيع


مجاوره راااااائعه


لاهنتوا



تقبلوا تحــــــــــــــــــياتي

سعد حميد الثبيتي 31-10-2009 11:21 PM
رد: الليل يابن هليل لاهنت
 
نختمها بكفارة المجلس وشكرنا لشاعرنا ابن هليل ومتابعينا ونرجوا السموحه والعذر من شاعرنا ابن هليل وتصبحون على خير

ابن عميش 01-11-2009 12:34 AM
رد: الليل يابن هليل لاهنت
 
بن هليل

ابو فواز

ماشاء الله تبارك الله على هذا

الابداع والتالق الرااائع محاوره

جميله ومداعبه اخويه رائعه

شدوا حيلكم نجيب قناة المرقاب

والصفوف جاهزه ....وفقكم الله

وحفظكم من كل سؤ ...تقبلوا

تحيتي وتقديري


الساعة الآن 04:17 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w