سلام يأهل المنتدى المبروك=اللي تعنينا على شانه
الورد من دونه يحول الشوك=ومزارعيٍ دون بستانه

حياك الله ....اقلط على فنجال وعلوم رجال


المنتدى منتداك بارك الله فيك

ياشاعر(ن)ماجيت بالسنبوك=من عزوتي والرجل بلسانه
ماني بكاسر بابك المصكوك=ما يصدر عن العد ضميانه

نبا البناء يطلع قصور ملوك=والبيت يثبت فوق سيسانه
الليل ياللي تدفع السنبوك=البحر لا تاكلك حيتانه

أكسب ذهب ماجيك بالداموك=ماني مشاور ناس غلطانه
القاف لا تاطاه ويلوموك=ناس تعرف الشعر والحانه

ياشاعر(ن)ماجيت بالسنبوك
من عزوتي والرجل بلسانه
ماني بكاسر بابك المصكوك
ما يصدر عن العد ضميانه


نبا البناء يطلع قصور ملوك
والبيت يثبت فوق سيسانه
الليل ياللي تدفع السنبـوك
البحـر لا تاكلـك حيتانـه



الشعر مافيه زعل والشاعر اللي يزعل لا يقابل شعار


شاهد اللي باللون الاحمر....اليس كلامي صح


بارك الله فيك


لك تحيتي

الشعر انا عندي عليه صكوك=وادري عن اوزانه وقيفانه
وشعراً بليا معرفه متروك=مال العلوم التايعه خانه
نصرف ذهب ومعاملين بنوك=والحضرمي في جوف دكانه
ويابن الحلال احذر خطايا فوك=قبل حساب الرب سبحانه
أضحك مادام ان العلوم ضحوك=وأن ضقت ..قلت الك الجدر عانه

يا شاعر(ن)ترا العرب حدوك=والا الشعر منته بسلطانه
أهل العقل والعرف دلوك=ولاني بتابع ناس زعلانه
لكن لن فكوك ثم خموك=الشعر لتحرم لميدانه
الشعر بعضه ياولد مشكوك=بين على الشاعر من أوزانه
اليا زعلت إضرب براسك دوك=في صخرة بلحيل دنانه