سلام رديه تحوز الطيب وخيار القسوم= وتصافح الغالين واهل العرف بيمين الرضا
سمعت ابو عيسى يدندن وده بحرب النجوم= وانا اعرف انه مادرس تكتيك رواد الفضا

الله الله يا ابا فواز



الليل الليل يا أبا عيسى



وينك الصفوف حامية





صح لسانك يا راع الصدق وبنتظار رده الناري



وعساكم على القوة



لك تحيتي

يامرحبا رحباً على حسب العوايد والسلوم= في وقتنا الحاضر لنا منهج وفي وقتاً مضا!!
الخبره اتغلب الدراسه فالدفاع وفالهجوم=وكثر الحذر يالشيخ ما رد المقدر والقضا!!

دام البقا يااللي ترحب ياعسى حظك يقوم= ياذخر عود(ن) صارع الدنيا على عوص النضا
اكثر عباد الله ماغره يقع كثر الحلوم= واللي يضيق من الحقيقه قلت جعله مارضا

حنا ليا صار التحدي من قويين العزوم=نمشي بعصر العولمه والجهل ولى وانقضا!!
ان كان منت منافس التجار ريح ومخدوم= المفلس الطفران من سوق التجاره مقتضا!!

ماقلت فيك قصور سيفي خابره وقت اللزوم= عابيه لاوقات الصعايب لادنا وقت الشظا
لاوالله الا شد حيلك وادعس ارقاب الرخوم= وانا وراك بسيفي اللي للعدو حده مضا

فكره تراودني وفالموضوع شاورت القروم=وابن هليل من بيوت العرف للحق افرضا!!
حنا نبا فعلن ينومس مانبا كثر العلوم=لادق زير الحرب والنيران جاي الها لضا!!

فكرتك هذي رايده توصلك لاصحاب الختوم= يفرح بها منهو مود ومات منهو مغرضا
قيس وفصل فوق جسمك مايناسب من هدوم= من ينزل لسوق الغلا يظهر فلوسه واقتضا