سلام لشيخنا الفاضل--معلمنا له التبجيل= سلام (ن)للفضا يعبره ويصافح مجراته
قضاة الحق ماتخطي -- ولاترضى علي الميل= وانا جتني خطيه والحضور اللي حضر جاته

هلا يامرحبا عداد ما خيل وسال السيل=عسى ماشر علمك يا فتى في دعوتك هاته
ترى دعوى بغير ثبوت لو طولت للتفصيل=تعود فوق راعيها وتنشب في ملفاته

يدوم الك البقا ياشيخ ياذابح سمان الحيل= وانا خابرك رجل(ن) من شيوخ الحق وقضاته
تنظمني مع الشعار وتصفق تقول الليل= وتبلاني بشاعر جاهل(ن) فالصقر وصفاته

تخيرت لك ذيب وأنت جنك تكره العويل=لكن إصبر على ذيب الفريس وقو عضاته
تحزم بالمقمع والسواري والزم الدربيل=وأنا بنصحك لله لا تقرب من مغاراته

الا يابن هليل قر لاتبخس حقوق الكيل= احسبنك تحل العقد وانت تزيد عقداته
نباك تعدل المخطي واثرك انته تبا تعديل= اثرك الداب الاسود في ظلام الليل مسراته

أنا جزعان لاحطك مع اللي يكحلك تكحيل=وأنا خابرك مشعابك ضعيفه بعض كعاته
لكن أبشر لحطك مع خصيم يغربلك غربيل=تظلي عينك تقادح شرر من قو صفقاته

انا رجال متعافي وفالميقاف اشد الحيل= ولا خوفني اللي في الجبال اوحيت عوياته
لكن انصح رفيقك قبل لايغرق بوسط النيل= تر اه يهف وسط النيل واخرها بروحاته

توقع لا يجيلك مثل ما جا لبرهة والفيل=وتفضحك العرب والناس هذا الوقت شماته
ترى خصمك يبا يرميك بحجارة السجيل=يا قايد معركه وجنودها بالحرب فلاته

راع الصدق ..... بن هليل


صحت السنتكم وبيض الله وجيهكم

هــذا هوا المعنى

اذا مافيه انضباط في جدول المحاوره

خلو ها على كيف ماتجي

المعذره ياراع الصدق مابدعت وتركت المحاوره

انت شفت الي بدع الذيب ..... تجاهني وتركني

وهذا بداية التجاهل في المنتدى

وين الشيوخ .... والمشرفين


تقبل تحياتي

المشاركة الأصلية كتبت بواسطة ابو عبدالرحمن (المشاركة 102826) انت شفت الي بدع الذيب ..... تجاهني وتركني وهذا بداية التجاهل في المنتدى وين الشيوخ .... والمشرفين تقبل تحياتي