القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   وين الفرسان راحو (https://www.alqwafel.com/vb/showthread.php?t=13201)

سعد حميد الثبيتي 08-02-2010 12:38 AM
وين الفرسان راحو
 
الليله ا لليله الميدان ماجا فيه فرسان= راحوا وخلوا سعد في موقعه واقف لحاله
اما يجيبون لي فغيابهم حجه وبرهان= والا طوانا الرشا يااصحابنا فوق المحاله

صقـر عتيبـة 08-02-2010 12:53 AM
رد: وين الفرسان راحو
 
الله الله يا أبو فواز

صح السانك على القاف وننتظر الفارس الملثم كي يجي و يرد عليك

متابع لكم جميعاً .. تقبلوو تحياااااااااااااتي الخااااااااااااصه ..

صقر عتيبة

سعد حميد الثبيتي 08-02-2010 12:57 AM
رد: وين الفرسان راحو
 
حييت ياالغالي ووجودك شرف لي وتاج على راسي والربع برك علاهم البرد حتى شايبنا الليله ماله صوت

تقبل تحيتي وودي

binhlailبن هليــل 08-02-2010 03:39 AM
رد: وين الفرسان راحو
 
صح لسانك يا راع الصدق


شاهدت ما دونت بوقت متأخر


وبنتظار من يرد والا تشهد على روحك


لك خالص تحيتي

بتال الاقرع 08-02-2010 04:00 AM
رد: وين الفرسان راحو
 
صبحكم الله بكل خير


أولا المعذرة على تأخري لأن الظروف ما تسمح لي بالتواجد بكل وقت

وثانيا:يعلم الله يشرفني التواجد معكم وبينكم لأستفيد منكم

وثالث:مريت ولقيت هالطاروق من راع الصدق ولم أجد عليه رد من شاعر

فحبيت أن أرد عليه لو إن الوقت متأخر لكن على أمل تسمح لي الظروف أكمله معه الليلة القادمة

فإذا يسمح لي سوف أكون متواجدا بعد صلاة العشاء بتوقيت السعودية


ياراعي الصدق بعد إني حضرت يخيب شيطان=ليتك قبل ما تنام مسبح(ن)رب الجلاله
لكن ولم ركابك والوعد بكره ياذيبان=حتى يقر القرار وكل شغموم بفعاله

سعد حميد الثبيتي 08-02-2010 12:15 PM
رد: وين الفرسان راحو
 
بعد حضرت الك كيه واستلمها بين الامتان= انته تحسب حساب(ن) تحسبك داخل بقاله
ماعندنا الا الرماح الزرق والا سيف شامان= وان كان ماانته بفارس حالتك ياهيه حاله

عساف الأصائل 08-02-2010 07:03 PM
رد: وين الفرسان راحو
 
الله الله



صحت السنتكم الليل الليل



وين الصفوف

نجم العرب 08-02-2010 07:05 PM
رد: وين الفرسان راحو
 
سرى الليل سرى



صحت السنتكم متابع

بتال الاقرع 08-02-2010 07:15 PM
رد: وين الفرسان راحو
 
مساكم الله بالخير


أولا تحية لكل من شرفنا بالحضور


وثانيا :تولم يا راع الصدق شد حزامك


واستلم



هذا كلام كبير ومثلكم ما حب ينهان=وإن كان تبا لعانة درتها فوقك محاله
أنته رماحك زرق ورماحنا حمر بالاطعان=الظاهر إني وقعت بواحد كله خباله

القنـــــاص 08-02-2010 07:25 PM
رد: وين الفرسان راحو
 
الليل الليل



صحت الالسن والابدان

سعد حميد الثبيتي 08-02-2010 07:50 PM
رد: وين الفرسان راحو
 
ماني بمنهان وانا فالملاقا قلب ولسان= والخوف والرعب ياتي بالعجب في كل حاله
الرمح باسمه ولاغير سنانه كثر الالوان= ياشارب الكيف قلي كم شربتو من بياله

بتال الاقرع 08-02-2010 08:33 PM
رد: وين الفرسان راحو
 
صح منطوقك


عز الله إني حسبتك يافتى بالشعر ذيبان=لكن خيبت ظني في عناوين المقاله
لا تحوسها يالعتيبي بن قال فلان وفلان=ترى العلوم الجميلة مالها غير الجماله

المستشــار 08-02-2010 08:41 PM
رد: وين الفرسان راحو
 
يا سلام يا سلام


صحت السنتكم وبيض الله وجيهكم

ابو عبدالرحمن 08-02-2010 09:28 PM
رد: وين الفرسان راحو
 

الله الله الله

صحت السنتكم وبيض الله وجيهكم

شعراء متفوقين

الله يعطيكم العافيه

سعد حميد الثبيتي 08-02-2010 09:36 PM
رد: وين الفرسان راحو
 
بعض السوالف ذهب والبعض الاخر يشبه لبان= لكن بتال فالمقهاه منكفيه دلاله
ماحستها بس ماتطعم ولا لك فالعلا شان= لكن راع الهباله مايجوز عن الهباله

سعد حميد الثبيتي 08-02-2010 09:39 PM
رد: وين الفرسان راحو
 
ابو عبد الرحمن حياك الله ياولد العم وخلك قريب نبا نهجم على بتال ونعطيه العلقه

بتال الاقرع 08-02-2010 09:44 PM
رد: وين الفرسان راحو
 
ايه ايه


قاعد أنتظرك وجاك الرد

ما برحمك لو حطيت دونك حائط بشري


قامت علومك تحادى يا عقيد القوم فلتان=الكيف صبه وهاته لا تصب النا حثاله
ماني بخابرك راعي سابقة فلوة ولا حصان=وش جبت بالوقت ياذيبان من فعلة وطاله

سعد حميد الثبيتي 08-02-2010 09:59 PM
رد: وين الفرسان راحو
 
صك الذريعه وقفل دونها يالذيب بيبان= مادام مخك صغير وماسك(ن) عصر الجهاله
اناعتيبي وتشهد لي على الطالات قحطان= والا انت الاقرع على الطالات مقطوعه حباله

بتال الاقرع 08-02-2010 10:06 PM
رد: وين الفرسان راحو
 
ايه ايه

اللي فيه طبع ما يخليه


الليله أنا نويت أتوبك عن نظم الالحان=بحط وسمي على خدك ولا عندي بداله
أنته عتيبي لكنك بالفكر بلحيل تعبان=بضاعتي بر والا بضاعتك فيها نخاله

سعد حميد الثبيتي 08-02-2010 10:20 PM
رد: وين الفرسان راحو
 
انا صقر وانت بالتوصيف تشبه طير برمان= ماانته بواصل مواصيله ولاحتى خصاله
كل برك اللي جلبته وانطحن من كف طحان= خلك ورا عمك المقرود وارضع له صخاله

بتال الاقرع 08-02-2010 10:31 PM
رد: وين الفرسان راحو
 
ايه ايه


واستلم الليل الليل


راحت صقور العرب ما باقي شبه غربان=الله يخلف على شيخ يعدك من رجاله
والله كبيره على عتيبة يمثلها كحيلان=وأنا على حسب علمي ما يحبون النذاله

فواز الثبيتي 08-02-2010 11:05 PM
رد: وين الفرسان راحو
 
صحت السنتكم جميع



تقبلوا مروري ودمتم مبدعين

النجـــــم 08-02-2010 11:11 PM
رد: وين الفرسان راحو
 
صحت السنتكم يا مبدعين



محاورة رائعة بروعة فكركم الراقي


تقبلوا خالص التحية

سعد حميد الثبيتي 08-02-2010 11:22 PM
رد: وين الفرسان راحو
 
ترى الغراب المسمى وارد(ن) ذكره بقرأن= من فعلته علم الجاهل على علم ودلاله
انا ممثل قبيله وانت راعي عند خرفان= لاتعترض وادي(ن) تاكلك ياالرجلي نماله

عـادل الثبيتي 08-02-2010 11:25 PM
رد: وين الفرسان راحو
 
ههههههههههههههههههههه

ايه ايه

اي والله ايه هذا المصامخ


تسلمون وصحت السنتكم



بتال وراع الصدق

الليل الليل

بتال الاقرع 08-02-2010 11:29 PM
رد: وين الفرسان راحو
 
ايه ايه


سرى ليلك


توك تراني بعد شوي بطلع

عز الله إنك صدقت وجابتك أخير برهان=والظاهر إنك ونيت(ن)جايبينه من وكاله
الله يسقي ديركم علها تربى لضبان=لا تموت جيعان ما تلقى عشيك لو لاله

ابو عبدالرحمن 08-02-2010 11:31 PM
رد: وين الفرسان راحو
 

صحت السنتكم وبيض الله وجيهكم

الليل الليل الليل

مــــــــــتابع متابع

عساكم على القوه

بتال الاقرع 08-02-2010 11:35 PM
رد: وين الفرسان راحو
 
الاخوة اللي تابعونا لهم جزيل الشكر


يسعدنا تواجدكم والمعذرة ترى الهدف التسلي لا أحد ياخذ بخاطره

سعد حميد الثبيتي 08-02-2010 11:56 PM
رد: وين الفرسان راحو
 
يكفيك واحد من الضبان يملا بطن جيعان= والفقع طيب ليا كلته على حيد الجلاله
ياالله تستر على اللي ماشي(ن) فالدرب حفيان= ورع مهستر ولايعرف يمينه من شماله

بتال الاقرع 09-02-2010 12:07 AM
رد: وين الفرسان راحو
 
ايه ايه

المعذرة يا راع الصدق

طاب الممشى فالسموحة يالذيب كان جا قصور

ترى الغاية الاستفادة من مثلك وشرواك وإن شاء الله لنا لقاء قادم


ماني بحاجة عطايا يا عتيبي رجل فقران=هذاك زاد العتيبي لا قعد ثم إتكى له
أنا عشايه بنات الحيل من بل وغزلان=والكيف من بن فوق الجمر جاي له إجتواله

اسـيـر دنـيـاهـ 09-02-2010 12:11 AM
رد: وين الفرسان راحو
 
*·~-.¸¸,.-~*صح لسانك خيووو راع الصدق على هالبيتين الرائعه




تحياتي*·~-.¸¸,.-~*

سعد حميد الثبيتي 09-02-2010 12:59 AM
رد: وين الفرسان راحو
 
ماحصل قصور ياالغالي والهدف كما تفضلت التسلي والاستفاده وتصبح على خير


ولاتنسى كفارة المجلس

سبحانك اللهم وبحمدك اشهد الا اله الاانت استغفرك واتوب اليك

ملك القلوب 09-02-2010 06:21 AM
رد: وين الفرسان راحو
 
الله الله


صحت الالسن


محاورة جميلة الله يعطيكم العافية


الساعة الآن 03:54 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w