الذيب وده بشاعر يوم يبدي كنه الذيب= والذيب يفرح ليا حصل على الغره خطيفه
يابن هليل تولم وابد في روس المراقيب= لكن هوجس وهات من السواليف النظيفه

جيتك قبل لاتدز النا مع العالم مناديب=ياذيب وشبك تجر عواك كنك فيك خيفه
ولم لنا الكيف مانشرب سواه من المشاريب=واللي يشيل الثقيله ما علاه من الخفيفه

اكرب حزامك ترى المسرى طويل ودربه صعيب= نبا ديار(ن) يقولون العرب دايم مريفه
وانته مجرب دروب العسر ياذيبان تجريب= واللي عفيف وعلومه طيبه يبغى العفيفه

لا تشغل البال ولمت الخناجر والمشاعيب=وأناعلى خبركم ما جيك بالعين الضعيفه
ياراعي الصدق ما يحتاجلك بالدرب تدريب=والصوف ما ملمسه يا صاحبي مثل القطيفه

الشمس تبدي وتطلع مير بعض امرار(ن) تغيب= واللي عيونه تقص الدرب ماقلنا كفيفه
الذيب يرقى سنود وغيره يحدر الاشاعيب= باحت سدود الولد من يوم ماشفنا غريفه

ياللي تسوي رسائل وأنت ما تقرا مكاتيب=وش رايكم بالشريف اللي يراود له شريفه
الذيب ياصاحبي ما تنقصه قيلة عذاريب=لا مركم كل خلق الله تصايح من وحيفه

الله خلقنا لبعض الناس ياابن الناس تعذيب= واخبار لندن تجيب اخبارها ماهي ظريفه
اللي يشب الوقد يصبر على حر المشاهيب= والبدو عست تهامه والبلا رجعت معيفه

ياراعي الصدق ماني خابرك تسمع أكاذيب=وأخبار لندن نقلها واحد ملعون سيفه
لا تحسبنك تبا تقدر تحط شعيل بالجيب=والبدو من وقتهم وعلومهم دايم قصيفه

راع الصدق .... ابن هليل

صحت السنتكم بيض الله وجيهكم

ابـــــداااااااع راااااائع

الله يعطيكم العافيه