لو ضاق بالك قول بالي ترى راق=من شان لا يبدي عليك الرواقي
واللي تحسه من كدر جوف الأعماق=لا تقدمه للناس لو كان راقي
صبرك على مابك لو الصبر حراق=أخير من شكوى لقوم النفاقي
اللي تدور علم تشبع به طقاق=تفرح ليا منك هزمت بسباقي
إصبر على حملك لو الحمل مايطاق=أخير من هرجة عسر ما تطاقي
تجيك من جاهل وعاذل ونعاق=اللي يحبون الزمر والنعاقي
يضيق منها الصدر لو كان ماضاق=والا تذلك وأنت ما كنت هاقي
تقعد محجة كل من يطلب فراق=ناس(ن)تمنى بالليالي فراقي
ياعل ما يبقى لهم بالزمن باق=أهل الفتن مروجين الشقاقي
مثل الحيايا لا تطوت على ساق=مسمومة(ن)أنيابيها والشداقي
اللي ليا شافتك صدت بالأعناق=ويبغثرون الشرب في كل ساقي
الطيب ما يعرفه ياكود من ذاق=ومن لا شرب من مر لا تقول ذاقي
ورجل(ن)بلا معقول بيجيك زهاق=يبدي عليه من الليالي رواقي
ولا كل نو(ن)لو لما فيه براق=يمسي على ما قيل وبله حقاقي
واللي يعرض لحيته موس حلاق=ماهو بلاقي من بعدها بواقي
خلك لبيب وحذر من طاق طرباق=وصلوا على منهو صعد بالبراقي

شكرا لتواجدك وردك الطيب


تحيتي

شكرا لك سعدت بردك الطيب


لك خالص تحيتي

بارك الله فيك



لا عدمت حضورك وتواجدك

بارك الله فيك



سعدت بحضورك وردك الطيب


لك خالص تحيتي