يابن منور سلام الله علاكم سلام= فالساعه الحاديه عشره نرده علاك
الجو عكر وغطى الضلع مثل العسام= ياعدنا ماركد جوك ولاراق ماك

يا مرحبا يا سعد ياللي تقوم وتنام = فالساعه الحادية عشرة قشعنا غطاك
أللي ينادي بصوت الغير يلقى الملام = خل الرجال اتصافق وانت عطهم قفاك

يامرحبا وان رقدت وقمت جاك الكلام= واليا كشفت المغطى جاك مني بلاك
ناديت يوم انتصاني صاحبي فالمقام= وانته ليا شفت ولد سليم تزحف وراك

يا راعي الصدق عود يم ذاك المنام = لا تحتري كلمةٍ تجرح و تنثر دماك
لو جات لك عابرة فيها سموم وعدام = عز الله انك توديها ونكشف خفاك

يامحترم مالك الا الطيب والاحترام= ولاني بجابرك يالطيب تبين رداك
لف السفينه لمجراها الهمام الهمام= والطيبه طيبه ترفع بها مستواك