سلامي سلام ورحمة الله على الناس أجمعين=عسى كل نفسٍ مؤمنة رحمة الله فوقها
ياعابد من الطمعه تمد اليسار مع اليمين=وعينك تشوف اللقمة ولا قدرت تذوقها

المشاركة الأصلية كتبت بواسطة عاشق ذوق (المشاركة 105645) مبداء كايف يالسان ثبيت بس الطواريق هذه نجديه منين تعلمتها هههههههه اعترف صح لسانك وننتظر عابد

هلا مرحبا عداد ماانهل همال الغشين= من المزنه اللي خيلت ماتبات بروقها
والا يالسان ثبيت اظنك مهرج غانمين= ولا ني مدور لقمة بليس في صندوقها

تدف الجبل بيداك والضلع عيّا لا يلين=وفزعتك عشره من ضماها يبوس حلوقها
ترى السنّة أتباع النبي ماهم أتباع الحسين=وحنّا رجالً نعرف الناس من منطوقها

نخانا عتيبه مار ماجو عتيبه فازعين= وعسا مدركه مااطب فيها ولا اعرف سوقها
ابشري لك العاقر واقدم لك الكبش السمين= لكنك غويت الدرب ماانته بقالط فوقها

ترى المسلم الديّن مايرضى عقوق الوالدين=مثل ما لنفسك حق..للوالدين حقوقها
ليا صرت عاشق قلت لك وعذاب العاشقين=ترى العامرية ماتبى شوق ماهو شوقها

تبا تدعي لكن ماشوف عندك شاهدين= لكن الحيايا سمها باقي(ن) فشدوقها
وياعد يااللي فوقك ورود بدو واردين= وترى العامريه ماتروح الركابا فوقها

أشوفك تشوف بعين ياعود وتغمض بعين=ولن قلت ليش أتقول عيني لطمتوا موقها
لو أن الليالي عيد قلنا لك من العايدين=لكن الليالي شهب ومغيّرات طروقها

انا في يدي كشاف واسري على النور المبين = وعسى الشجره اللي ماتظلل تموت عروقها
اورد من اليابان وانفي بضاعة كل صين= تبا تسبق الايام وانته على مسبوقها

صحة الألسن والقلوب

مبدعين الله يعطيكم العافيه

عساكم على القوه