سلام الله على اهل الموقع اللي بيرقه مرفوع = على راس الطويل اللي يعيش الفار في ساسه
ياراع الصدق وشرايك تشاركني بهالموضوع = الي شهرين افكر فيه والافكار محتاااااسه

هلا يامرحبا فالموقع اللي فيه تمشي طوع= علاك الامر يمشي والزعيم تحب له راسه
انا ما اشارك اللي مايفرق بين كوع وبوع= تعين لك عميل يشابهك جنسك من اجناسه

نبا نلعب معك لكن هون والزعل ممنوع = ولن ضاقت هجوسك مايضيق الما من الكاسه
ترى بشت المطوع مشكله لا قلتلي مرقوع = تصلي بالجماعه وانت اثرك مضيع الطاسه

تبا تلعب لكن الوقت ابه لاسع وابه ملسوع= ولا تعرف سموم الداب غير يدين لماسه
انا بشتي نظيف ولا البس المرقوع والمطموع= اصلي بالجماعه وادحر الشيطان وانجاسه

انا ودي علاقتنا معك تثمر لها مشروع = قبل يعلن مدير البنك الاهلي ساعة افلاسه
مدام انك عميل ابنشدك والله عطاك اسبوع = ولا بودع رصيدي فيه لين ايجيه عساسه

ترانا نرمع الالغاز يالغز(ن) غدا مرموع= والا ياحامسين البن جوكم ناس حماسه
انا ادري ياعميل الخير ماعندك يكود الجوع= تميدح بالغنايم وانت لاكرسي ولاماسه