ياسلام الله سلام(ن) من هجوسي يوم ارده= يوم ارده للبعيد ويوم ارده للموالي
جيت في سوق الغلا ولي على التجار لده= تاجر(ن) وابيع واشري والثمينه راس مالي

ياهلا يامرحبا والطيب يا ذيبان مده=قبل نعطيك الأجابة هات منضوح السوالي
بعد جيت السوق حمل ثلبكم والحمل شده=كان طاب البيع دور كل مزيون(ن) وغالي

حضوركم ومتابعتكم شرف لنا


حياكم الله

البقا واللي توده كلنا اليومه نوده= لاتوحد بي على سيف البحر واقف لحالي
سيفك المسلول حده فوق روس القوم حده= لو تهب من الجنوب ولو من القطر الشمالي

الرحول اللي تشيل حمولها من غير عده=أحمد الله من حلال القوم ماهي حلالي
دام حطيت الكوايا بالضلوع وفوق خده=اطلب الله والعوض يمكن بمقبلة الليالي

الرحوله مايبيد ظهرها غير المكده= ثم مايكسر قهرها غير مفتول الحبالي
العوض فاللي ليا جا لازمه بالحين سده= والسمينه تكرم سبالك وانا تكرم سبالي

الحبل اللي تمده للعرب وشبك تشده=لين طاح العود والحقته كثير من العيالي
تطلع الضلع الطويل وفوقهم ودك تهده=الحقيقه ياوسيع المعرفة ماهي خيالي

انت ما تدري عن اللي صار كبرت المخده= واما انا اللي في سموم القيظ وهموم الليالي
كيف اهد الضلع وانته ياعميل الخير قده= غترتك ياراعي المعروف حاميها عقالي

يارفيقي ياصديقي البحر عرفت سده=قمت تأخذ باليمين وقمت تلهد بالشمالي
تاجر البرصة يضارب بالسهم بحسب جهده=وأنت هامور يقش الأولات مع التوالي

الغلط جا من على جيب الرجال يمد يده= كان هذا اخر ماعندك صك بيبان الحلالي
كيف رديت البخور اللي سعط راسي بنده= بعد ماجبته لنا وتقوللي ياهملالي

تاجر المينا مرسي للعرب في وسط جده=والصبا قامت تلوفه والنكيبا والعوالي
لين فكيتوا دروجه والحصيل اللي يعده=ماتركتوا له جنيه ولا تركتوا له ريالي

تاجر المينا سياسي يضرب رديد برده= مر توقيته غروبي مر توقيته زوالي
البنادم مايسمه غار جوف الحلق غده= والقصار قصار واخير لك من تبع الطوالي

لو تركت الناس كل يلتقي بالقوم نده=الرحا تطحن وحب الطحن في جوف الثفالي
مير هذا طبعكم ياهل العقول المستبده=ما تحبون العلوم الطازجات ولا التسالي