سلام الله سلامٍ ما يساق الا على الشجعان = سلامٍ فيه ريح الورد والريحان و الكادي
قديم الوقت واديكم سيوله تملي الركبان = لكن اليوم ما شفنا سيولٍ تنعش الوادي

هلا يامرحبا ترحيب نمرٍ شاف له ذيبان=تراحيب البدو بالعيد لا من ذيع بالرادي
قديم الوقت واليومه يصب السيل بالبستان=لكنك تطمع تحوف المطر والسيل من غادي

بيض الله وجيهكم والى الامام متابعين

يدوم لم البقاء يا صاحبي و العز لك عنوان = وخلك في طريقي لا تروح بدرب متحادي
الا يا وقت ماضي كان للشعار يا ماكان = وهالحينه ما اشوف الا الذويبي وحده ينادي

أنا ماشي على درب القدا ماني من العميان=تشب النار من زندي ليا قعدت لزنادي
ذويبي واحد يكفي طوابير(ن)من الشجعان=وأنا ماهمني من راس ماله حرق برادي

تعال و وسع الخاطر بعد مرٍ من السلمان = وانا صاحب مواقف وانت فيها ضمن الاشهادي
والا يا رايةٍ مرفوعةٍ في ماضي الازمان = اشوفك فالوطاء طحتي ولابه عنك نشادي

أنا ماني بضايق خاطري في ساعة الرحمن=وأنا ماقول فيك خلاف والله للبشر هادي
تقوله وأنت ما تدري عن اللي زان واللي شان=حياتك كلها مابين وقفة ثم مقعادي

عسى ما ينهدم بيتٍ تجود تحته السيسان = ونوقف وقفة الصامل ليا من شاف الاضدادي
انا في عالي المرقاب اشوف اللي مع الوديان = و من جاني بسيفه جيت له بالسيف جلادي