في محل من قديم الوقت وأنتم خابرينه=مرحبا في مرحبا باللي بعيد وبالموالي
ودي الليله بشاعر عدنا ما يحوس طينه=الحمول مزهبة والشد في وسق الجمالي

شد حيلك والمحل الي تقوله عارفينه=والبقا يلي ترحب باحضور من الرجالي
كل رجال(ن) يبي يارد ويشرب من يمينه=محتزين العد لا جيناه بطوال الحبالي

دام عزك والزمن مخلوط عسره فوق لينه=صارت الشبهة كبيرة بالحرام وبالحلالي
ما يعرف السالفة غير القلوب اللي فطينه=الاجابة ما تقدم يا ولد قبل السؤالي

وش حصل في مشكلة بغداد يااصحاب السفينه=كبرت الحمله وصارت فوقكم ثقل الجبالي
القضيه واضحه والي زرعته حاصدينه=والبعير اشعيل مايقدر يقوم من العقالي

نوح ربك نقذه نزل على قلبه سكينه=والعلوم ميسرة والأخرة يا هم لالي
راس مالي يالبناخي ما غدا فوقي غبينه=الجنيه اللي بجيبي حافظه من راس مالي

ان وقف راع الشداد وقم يلقا الي يعينه= ون برك لا والله الا عنه شدينا الرحالي
البناخي ما يبي خاله يحول عن عرينه=يرتكي للقوم بالشلفى وبرمح الهلالي

لا تشيل الهم كل اللي تقوله ذاكرينه=ما تزعزعنا الهبائب في طويلات الليالي
دام سيفي في يميني والرصاص مزهبينه=والعضود متان والعزوة شغاميم العيالي

فالكم الخير