أنا والليل وأحلامي سهارى=نعد الوقت ساعات وثواني
تعبنا والهوى بالجوف نارا=الا ياشين حظي لا حداني
عن اللي مشغلي ليل ونهارا=وأنا شوفه أعز من العياني
أحبه وأعشقه سر وجهارا=ولا لي بالهوى معشوق ثاني
ليا طيفه لنون العين زارا=كأنه للقا يمه دعاني
على شأنه لذيذ النوم طارا=بواصل للسهر باقي زماني
طريق ما لنا عنه إختيارا=نبا نمشيه ونزف الأماني
رفعنا للوفا أجمل شعارا=تعاهدنا على ودٍ(ن)مصاني
لو إني بالحشا فوقه أغارا=أموت من القهر وأحيا وأعاني
على مثله يغارون الحرارا=كذا لو نمت نومي ما هناني
يعيش الحلم ويموت إنتحارا=بداخل خافقٍ(ن)كنه نساني
لو إنه طير بالجنحان طارا=وزار اللي يوده بالمكاني
أنا والليل وأحلامي نتبارى=سباق(ن)بيننا والكل فاني

الله يعطيكم الف عافية


وصحت ابدانكم جميعا


سعدت بتواجدكم الطيب