انا ماني على تبع الردى واهل الردى مجبور=ولا امشي فالطريق اللي على الرديان يحداني
اعز النفس عن درب الرخامة واسفه المحقور=واعلي هامتي بين الخلايق قاصي وداني
ولن شحت مواريد المروة والردى موفور=قضيت اللي بقالي من سنين العمر وحداني
انا ماني لحالات القلوب الميتة دكتور=ولا تشفا القلوب الميتة بعلاج الابداني
وقلب اللي على نهج النميمة والحسد مفطور=يغذي فطرة احقاده شرايين(ن)وورداني
عليك الهون ياحاسد عباد الله على الميسور=ترى مافيه شي(ن)عن طريق المجد يحداني
تنوش الطايلة يمناي يوم انك قصير شبور=تبا تفنى عظامك وانت ما والله تعداني
فعول الطيب تفخر بي ولا به فالرجال قصور=ولكني زبون الطيبة من عهد جداني
وعدوان الوفا لو حاولت تحجب شعاع النور=ظلام الجهل يعميها ونور العرف قداني
اعز اللي ليا مني نخيته فز دون شعور=بما تملك يدينه فوق حب النفس بداني
يمد الطيب من طيبه وقلبه بالرضا مسرور=ولا يرضا الهروج اللي تغث اعماق وجداني
هذاك اللي ليا شفت الدواير في سماه تدور=فزعت من المنام وجيت لو ماكان ناداني
اسوق الروح من دونه ولا تلحق علاه شرور=كمنه لا وقف في لازمي بالروح يفداني
وما دام الدليلة يالنشاما فأول المظهور=يبا يارد على عد الروى في كل ميداني
اباكم تخبرون اللي سلاحه في خباه يثور=يفتش بدته قبل الرصاص يجيه من داني
انا ماابغا الردى يبدي ولا ابغا كشفت المستور=لكن الخبل يستاهل ليا قام يتحداني

المشاركة الأصلية كتبت بواسطة binhlailبن هليــل (المشاركة 110336) فواز الثبيتي صح لسانك قصيدة كايفة ما فيها كلام مبنى ومعنى تقبل تحيتي

المشاركة الأصلية كتبت بواسطة الرقيب (المشاركة 110338) فواز الثبيتي صح لسانك واعتلا شأنك وافية من وافي تقبل مروري

المشاركة الأصلية كتبت بواسطة صادق الوعد (المشاركة 110347) صح لسانك يا فواز الثبيتي وافية من وافي بيض الله وجهك

المشاركة الأصلية كتبت بواسطة دليل القوافــل (المشاركة 110349) صح لسانك جزلة من جزل الله يعطيك العافية

المشاركة الأصلية كتبت بواسطة ملك القلوب (المشاركة 110352) فواز الثبيتي الله الله صح لسانك واعتلا شأنك الله يعطيك العافية قصيدة رائعة تقبل التحية

المشاركة الأصلية كتبت بواسطة راع الصدق (المشاركة 110355) بيض الله وجهك يابو ريان عز الله انها وافيه معنى ومبنى وليس غريبا عليك الابداع تقبل تقديري واعجابي بكل صدق وامانه

المشاركة الأصلية كتبت بواسطة الــزعــيــم (المشاركة 110357) صح الله لساااااااااااااانك قصيده جزله من شاعر جزل الله يعطيك العافية تقبل تحيااااااااااااااتي الخاااااااااااااصة

المشاركة الأصلية كتبت بواسطة المراسل (المشاركة 110377) الله الله صح لسانك قصيدة جميلة راع الجزلة بالتوفيق

المشاركة الأصلية كتبت بواسطة نجم العرب (المشاركة 110392) صح لسانك يا فواز جزلة من جزل وفقك الله