يا هيه قلبي داخلي يرتجف رجف=
قلب العنا خايف من الهجر ينهار=
أوتار دلك سهل تعزف بها عزف=
والود يرقص فوق عزفات الأوتار=
إن كان ناوي تغزي القلب باللطف=
لا تحرقه في رمشة العين بالنار=
إقطف ورود الحب من داخلي قطف=
ترى القساوة تيبس أوراق وأزهار=
وإن كان ما ترويه بالعاطفه جف=
ترى المشاعر نبت وإحساسك أنهار=
كذا يهيج الشوق و تولع اللهف=
تملك رياضه والهوى حيل جبار=
لفه برمش العين يا صاحبي لف=
وإحذر تشوفه عين عاذل وغدار=
خله حبيس السر وإحرسه يالترف=
وإرمه عن الحساد في بير الأسرار=
خلك أمام السور وأشواقنا خلف=
خلف الحنايا خلها دونه أسوار=
ترى الغرام ليا درى عنه من خف=
تغدر به الأنذال والوقت مكار=
وليا ركنت اللهف في داخل الرف=
هناك موته والهجر خير قبار=
ترى الغلا والشوق يا صاحبي شف=
ما كل ملهوف(ن)على الجور صبار=
هذي شروط الود يا ناعس الطرف=
اللي بها يبقا الغلا طول الأعمار=
خلك على ما قيل يا صاحبي ذرف=
لا تفتح أبواب الهوى لكل من زار=
أقل غلطه بالحسابات لو صدف=
أمامها حصن الهوى يصبح غبار=
بعض التصرف ينسف أحلامنا نسف=
يمسح سجلات الأمل قدم الأنظار=
والشاطر اللي غلطته تنحسب بالف=
بعض الخطايا صعب تلقى لها أعذار=
في حينها لو تصفق الكف بالكف=
ما تاقف الحسرات في وجه الإعصار=

المشاركة الأصلية كتبت بواسطة ملك القلوب (المشاركة 110351) الله الله صح لسانك واعتلا شأنك الله يعطيك العافية قصيدة رائعة تقبل التحية

المشاركة الأصلية كتبت بواسطة همسات شاعرية (المشاركة 110353) ترى الغلا والشوق يا صاحبي شف ما كل ملهوف(ن)على الجور صبار هذي شروط الود يا ناعس الطـرف اللي بها يبقا الغلا طـول الأعمــــار أأفق بعيد تشرق ملامحه بين الخوف وفرحة الحنين بعناق للدفء رغم هجر المشاعر لامست وجداننا بطرف ناعس بعثر عناء الخوف ما أجمل التحليق معك في سماء العنا .. ما أجمل أن نقرأ الحب بياضا ونقا شاعرنا الاستاذ بن هليل / صح لسانك مدد على هذه البا1خة لكِ عطر تحياتي وأطيب أمنياتي.

المشاركة الأصلية كتبت بواسطة smart (المشاركة 110354) صـح لسااااااااااااااااانك في وجه الأعصار

المشاركة الأصلية كتبت بواسطة الــزعــيــم (المشاركة 110356) صح الله لساااااااااااانك قصيده ذات طابع خاص ناتج من المشاعر الله يعطيك العافية تقبل تحيااااااااااااتي الخااااااااااااصة

المشاركة الأصلية كتبت بواسطة متعب الأعنه (المشاركة 110358) يا هيه قلبي داخلي يرتجف رجـف=قلب العنا خايف من الهجر ينهـار صح السانك وبيض الله وجهك قصيده في غاية الجمال وررررررررروعه

المشاركة الأصلية كتبت بواسطة الطويرقي (المشاركة 110361) صح لسانك ليس لي الا أن اقول ما قال من سبقني قصيدة ماتعة تقبل مروري

المشاركة الأصلية كتبت بواسطة الحر الأشقر (المشاركة 110363) صح لسانمك وسلم بنانك جزلة لا هنت لك مودتي