ياسلام الله على اللي فيهم الهرجة عظيمة=من عيال العود الأول فودهم أول وتالي
جيتكم في منتداكم جيت والنية سليمة=طيبكم من طيب جدي وعزكم من عز خالي

مرحبا ترحيبة(ن) حسب الشريعه مستقيمه= عد ماهبت صبا واعداد ماهبت عوالي
دام جيت المنتدى فاقلط على عز وحشيمه= فارشين الدرب ورد وفارشينه بالزوالي

أنتم اهل العرف والساير جديده مع قديمه=تحكمون وتامرون وحكمكم دايم عدالي
مار فيه أيام مقسومة ولا فيها غنيمة=تختلف في علمها لو كان ظل البيت مالي

اشهد انك قلت قول الصدق ماقلت الظليمه= واليمن لايبتعد يقرب من القطر الشمالي
الله اللي يقسم الارزاق والدنيا مقيمه= ارد بطوال الحبال وجنب قصار الحبالي

الربيط اللي تجلى جدته وأمه حليمة=مار عاردهم خلطها بين قيل وبين قالي
لونشدته عن أسيَة قال وين شدادريمة=وان مسكته بالعنان يكف غاره بالريالي

الربيط الي تقوله جاب له فيد وغنيمه= وانت خلك مع حليمه قيلوا تحت السيالي
الشداد شداد ريمه والخيول الها الشكيمه= والنهايه كلنا ميرادنا العد الزلالي

لا تجنب والهدف ما صابته بندق غشيمة=مالها حظٍ ولا تشرب من العد الزلالي
التهامي مالقيله قرص حتى يستديمه=مات جوع من الفقر والام هجت بالعيالي

الذلول اللي لفت بك ياولد ماهي هميمه= تنقطع فالدرب وتبيتك فانصاف الليالي
التهامي يارفيقي خنجره داخل بريمه= ماحسب للي يجيه ولا لابو زيد الهلالي