الصاحب اللي بيننا كان ميعاد=وش وخره يا جاير الهم وينه
الليل طال ومنوة الروح ما راد=مدري وش اللي حال بيني وبينه
أحس من غيبته بالقلب وقاد=لكن مدري وين ذا الليل فينه
أنا أنتظر والعين ما طبها رقاد=وأخاف بعد النوم جافا لعينه
منهو خبر بالناس في حاضر وباد=اللي ينام ولهفته مع ظنينه
بلوذ بك ياصبر لو فيني سهاد=لكن هو ما حب شيء يهينه
أخاف تجرح خاطره نسمة براد=وأخاف من قذلته تجرح جبينه
وأخاف من علم منع سيد الأسياد=والا العواذل عنوةٍ(ن)مانعينه
يبونها تنكيل والناس حساد=أحدٍ(ن)حسدني والبعض حاسدينه
وإن كان هذا صار لو كاد من كاد=ما يعرفون إن المودة متينه
كل ما تمنوا بعدنا عشقنا زاد=أسرارنا بين الحنايا دفينه
صعبٍ(ن)عليهم بيننا دق الأوتاد=أنا وسيدي ودنا صاينينه
صعبٍ(ن)يفرقنا جماعات وأفراد=دام الغلا لقلوبنا مشترينه
نقهر زمان البعد لا عاد لا عاد=وقت(ن)يفرق بين خل وخدينه
تفشل خططهم والوعد بعد ينعاد=تنزل علينا بمر ربي سكينه
لو إختلف ميعاد بنحط ميعاد=عند اللقا ننسى ليالٍ(ن)حزينه

وللجزاله موعد تتجدد مع حضورك دومآ ,,

بدايه لدعوه الروح التمت بداخل المشاعر واستوطنت بالاعماق منووة ,,


الليل طال ومنوة الروح مـا راد
مدري وش اللي حال بيني وبينه






اثارت كل حس يثير الشجن بالاعماق ,,

لتتوجه على قمة الليالي ,, كان التذكير بانه ليس جديد هذا الحال ,,

أخاف تجرح خاطره نسمة بـراد
وأخاف من قذلته تجـرح جبينـه
وأخاف من علم منع سيد الأسياد
والا العـواذل عنوةٍ(ن)مانعينـه






هنا وقفه تدوم وعوده تتكرر لجمال هذا الحرف ,,

الذي معانقتي له كانها تقرآ مابداخلي استقطبت المشاعر واثرت الاحاسيس ,,

صعبٍ(ن)عليهم بيننا دق الأوتـاد
أنـا وسيـدي ودنـا صاينينـه
صعبٍ(ن)يفرقنا جماعات وأفـراد
دام الغـلا لقلوبنـا مشتريـنـه





صح لسانك الى ابعد مدى ,,
نتشوق دومآ لملامسة نصوصك ,,
كل الشكر لك,,

صح لسانك مدد بلا عدد


الله يعطيك العافية

تقبل تحياتي