حنا لمحنا فالقوافل جاينا شاعر جديد= من عزوة تروي شبات الحدب رفرف ياعلم

احزم حزامك واكربه والله يدبر مايريد= والا تعشتك الذياب الشهب رفرف ياعلم

حضرت في دار الرجال اللي تفيد وتستفيد=هي منبع الفزعات وقت الحرب رفرف ياعلم
قال المثل يصحابنا مال الحديد الا الحديد=ياسرع ماراحت خفايا الجب رفرف يااعلم

مافيه باس حضوركم تزيد علم وتستزيد= خلك على استعداد وقت النب رفرف ياعلم
حنا سليم اللي نضد الخصم فاليوم الشديد= ليا طعنا مايفيد الطب رفرف ياعلــــــــــم

الذيب يامخلف يبا يرجع لشبك ام الهريد=وحذر تمد اليد فوق الحب رفرف ياعلم
حنا ثبيت اهل الثلاث البيض يانعم الرصيد=ونتم هل الميقاف وقت السب رفرف ياعلم

مخلف بعد جاكم ترى صيده من الجزله يصيد=يومين يشويها ويرجع غب رفرف ياعلم

مرار اورى فيك ومرار(ن) تجيك ام العبيد= اثرك سواة الفار وسط الخب رفرف ياعلم