يامخلف الهقوات حضر قبل نرسل لك كتاب= وان كان ماحضرت شفنا لك علوم ثانيه

الرعد يرعد والبروق تلوح في عرض السحاب= لكن جعله فوق دارك ينهمل ودانيه

صوت المنادي جابني وابشر بمردود الجواب= وان كان في صدرك علوم قدمك الميدانيه

عسى سحاب الخير ماينسى سهولك والهضاب= حتى من ثعوله تربع ديرة العتبانيه

قال المثل غلطان فاالايام من يطرد سراب= لكن دامك جيت للبارود والنيرانيه

اللي وصلكم قال عل الشعب واخضر الجناب= راحت ديركم كنها باريس ياالسلمانيه

لاوالله يالثبيتي رحت زاد للعقاب= اللي علاكم من زمان يرفرف الجنحانيه

اللي وصلنا جاه مقسومه وعود في تباب= ديارنا حامينها وقت اللقا شجعانيه

الليله انته يالسليمي بين ضرس وبين ناب= مالك مفر ولامطير بديرة الثبتانيه

فعل عتيبه تذكره يوم السيوف مع الحراب= وطو على غاربك يوم قصار والشفانيه

اللقمه اللي دحدرت فالكبد يقفاها شراب= بلعت سم يقطع القصبان والمصرانيه

اعرف فعولك وانت لاتنسى مخاليب الذياب= ام الحماط تدون التاريخ ياالعميانيه

اللقمه اللي دحدرت مفعولها مثل الذباب= ان طاح فالفنجال بامر الله مايرزانيه

سليم تحت عبيها صردى ويلسعها العذاب= وكم سلميه من بكاها احفت الاوجانيه

يالله ياساتر على عبده بضافية الثياب=استر على اللي فالليالي يشتم الجيرانيه
ماودي اظهر تمرة الشبعان من جوف الجراب=لكن دندن يامدندن دان دانا دانيه