لا تنشديني ليش للحين سهران=الليل للشاعر رفيقٍ(ن)مسامر
أسج به وأبدل أوطان بوطان=أركب جموح الفكر ساعة ياسافر
أنسى الجسد واسبح على لحن الألحان=أقطع مسافاتٍ(ن)بليا تذاكر
أزور مضنوني على متن الأشجان=أنشد عن أحواله وينهي ويأمر
على فؤادٍ(ن)دايم الدوم ولهان=يشتاق له والشوق بلحيل كافر
ما يرحم المشتاق في كل الأحيان=يوجع قلوبٍ(ن)نادمتها المشاعر
خصٍ(ن)ليا كان الغلا حيل فتان=فعله علي أمضى من أفعال ساحر
سحرني بلونه وذوقه والأعيان=كل الذي أهواه بالزين وافر
اليا تكلم يصغي السمع بإمعان=كل كلمةٍ(ن)من شفة الذوق تأسر
واليا مشى صوت الخطا طبل فنان=يهتز منها العود ما فيه قاصر
كل المكان يصير جنه وبستان=من عطره الزاهي وريح المباخر
والوان لبسٍ(ن)متقنه كل إتقان=متناسقٍ(ن)مع قامته لون باهر
يزهى به الفستان وبدون فستان=أخطر على العاشق من أخطر مخاطر
كله على بعضه زمرد ومرجان=مكنون ما حول لسوق ومتاجر
وصلت في حبه ليا حد الإدمان=هذا الذي من باقي العمر فاكر
لأجل كذا بسهر على شأنه أزمان=وأصير شاعر لو ما كنت شاعر
لا تنشديني ليش للحين سهران=الليل للشاعر رفيقٍ(ن)مسامر

ارتشفت منا العيون اجمل الاحساسيس سلمَ فيك هذا النبض

ودمت بالحب غارق

لـ تنهل علينا جميل بوحك

صح لسانك

تقبل حضوري في صرحك الجمال مع خالص الاحترام

زهور الياسمين لشخصك

صحت أبدانكم جميعا


سعدت بحضوركم وردودكم


لا عدمتكم


لكم أسمى تحية

صحت أبدانكم جميعا


سعدت بحضوركم وردودكم


لا عدمتكم


لكم أسمى تحية

المشاركة الأصلية كتبت بواسطة همسات شاعرية (المشاركة 131146) ارتشفت منا العيون اجمل الاحساسيس سلمَ فيك هذا النبض ودمت بالحب غارق لـ تنهل علينا جميل بوحك صح لسانك تقبل حضوري في صرحك الجمال مع خالص الاحترام زهور الياسمين لشخصك

صحت أبدانكم جميعا


سعدت بحضوركم وردودكم


لا عدمتكم


لكم أسمى تحية