شفت خالي مر من قدمي وهاض شعوري= قلت ابا ارصه بقاف يريض العجلاني

شاربه يستاهل الكيف المسوى فوري= والخروف اللي يدسم شارب الخيلاني

انت خالي بال وازعجت العرب بالبوري= رصك اللي جايك مشوت مع الريعاني
مانبا من كيفك اللي تطبخه بالغوري = كان مابهر وسيق بدلة الرسلاني

صاحبي عثمان فالميدان رجل (ن) ثوري= كل مااونس له بلا صب الدعا من داني

خذ منه فنجال ياعثمان واسمع شوري= كان ماتدري عنه يقطع ضرم ضرماني

انت متاثر بصنعا والكفاح السوري= والخميني ثوري(ن)مثلك يقود ايراني
لو تفهم ماتضمنه النقاش الدوري = كان ماخليتني في ساحة الميداني

الصقر في هيبته ماهزه العصفوري= والخميني والايراني في لظى النيراني

لاتغالط نفسك بذاك النقاش الصوري= ماني مخلي رفيقي دام هو خلاني

انت لونك نعرفه من بعد بالبسفوري= تعكس الانوار لين تعلم العرباني
طول عمرك منسدح في قصرك الجمهوري=مارميت مع الرماه ولاتعلق عاني

والله اني مااقرب المكروه والمحظوري= منزلي عالي وانا اللي مكرم الضيفاني

الزمان اللي رفع قدر العمي والعوري= احمد الله واشكره ياالعارفه عثماني

المناحل ماكلاها الاطيور القوري = كان شبت نار فوقك دور وتلقاني
مانكبك الا خطاك وحظك المعثوري= تصدم الضلعان منت محرك الضلعاني

الطيور برادة الله فوقها مقدوري= وكان شبت فالولي بقدرته يحماني

ابك ياعثمان ماانته للردى مجبوري= انت مثل اللي فرح برزاية العماني

كلنابالضاد نهرج ماهرجنا كوري= كان والانك فصيح انا فصيح الساني
مايخرجني كلام المستفز عن طوري= انتبه واحذر على ذبحتك لاتحداني

قد لزمك الموت ياعثمان بالحنجوري= مايفكك لين تصبح جثة(ن) همداني

لو عمرت القصر قلنا قصرك المعموري= مار اشوفك فيك عرق (ن)من حدا المطراني

الصقر ماينجحد تاريخه الاصطوري = وانت كم شنيت غاره يا ابرق الجنحاني
قصرنا ماينهدم وانا طوال شبوري = لويغث الكبد صوت مقطع المرحاني

حيرتني ياجماعه قصة الطنبوري= والمسلسل بعدها في طير ابن برماني

الله اكبر الله اكبر دندن الدبوري= لو قطعنا جنحته ماعاد اله دنداني

قدرالله وانجرح جسمي براس اضفوري = ان قلعته مشكله وليا سكت اذاني
فرق بين الحنضل الباهت ولون الجوري= مرة (ن) ماتنقبل يالله لاتبلاني