البارحه ليلي كآبه و غربه = ضايق صدر والعين زايدسهرها
كم ليل قبله موق عيني سهربه = قلبٍ جريح وعين تسكب عبرها
عليك ياللي قرة العين قربه = كبرة معاناة(ن) لحقني ضررها
اللي فراقه خافقي ما قدربه = كود السمك تقدر تفارق بحرها
ياما رجيت بطول دربي ودربه = مسافة(ن) مابيننا نختصرها
شوفه يفرج عني الفين كربه = وقربه يجدد دنيتي ويعمرها
حبه سكن قلبي وعاش وعمربه = اصروح من صلب الرواسي حجرها
حتى ملك سيف الغلا وانتصربه = سيطر على كل المشاعر واسرها
ياما نهابه نور عيني وامربه =اوامر(ن) مصدر سرور اعتبرها
حلو(ن) ملك كل الحلا واشتهربه =كن الحلاوه فيه ربي حصرها
فيه المزايا كثر وابا اختصربه = بيتين شعر((ن) صفو فكري سطرها
كان السما فيها قمر تفتخربه = الارض تفخريوم خلي قمرها
في مشرق الارض الفسيحه وغربه= من حقها تعتز باجمل بشرها

المشاركة الأصلية كتبت بواسطة راع الصدق (المشاركة 131803) فعلا قصيده منقوشه بماء الذهب تسلم ياخال وبيض الله وجهك انرت القوافل واطربت اسماع اعضائها فلله درك واستمر وحليفك التوفيق

المشاركة الأصلية كتبت بواسطة القنـــــاص (المشاركة 131813) صح لسانك قصيدة راقية تستحق الوقوف امام ابياتها كثيرا تقبل التحية

المشاركة الأصلية كتبت بواسطة ابن عميش (المشاركة 131824) ابو مشعل صح لسانك على هذه القصيده المميزه والراقيه والوفيه كعادتك حفظك الله مبدع تمنياتي لك بالتوفيق ومبارك عليك الشهر

المشاركة الأصلية كتبت بواسطة مخاوي الذياب (المشاركة 131839) صح لسانك مليون ولا يكفون ابداع لا هنت