أدري إن الشعر في غيرك تخاريف وتحايل=وأدري إن الشعر في مثلك يعدونه فضيله
وكان ما قلت القصائد فيك يا بنت الحمايل=يا خسارة شعر ما ينقال في بنت القبيله
الأصيلة ساسها ووصوفها يم الأصايل=والرجال اللي سواتي ما تبا غير الأصيله
نادرة بين النساء فصيلها غير الفصايل=من قديم الوقت أدور بالعرب هذا الفصيله
حاوية كل المحاسن جامعة كل الفضايل=خيزران ليا تثنى عودها ربعة طيله
خدها سواة برق بليل في غزر المخايل=شعرها سواة همال الثعول من المخيله
رمش عينه جاي له فيً على الوجنات مايل=يستظل الفارس بفيه سويعات المقيله
هزني شوقي أغامر وأقدح زنود وفتايل=بعد شفت اللي بدا لي من وصوفٍ(ن)بالجميله
والله إني ما تسمع في عذول وقول قايل=لين أجي وأروي ظما روحي بمنسوع الجديله
وأتغطي عن عيونه تحت مفرود الجدايل=وأشكره على عطاه ومدةٍ(ن)جتني جزيله
وأسقي الملهوف من نبعي وأبرد للغلايل=لأجل ينسى ما مضى يلعن زمانه قبل أجيله
إيه لجله ما عليًه دامني قادر وطايل=يرخص الغالي لعينه واجده قبل قليله
حل بالوجدان وده واستحله بالجمايل=صار لي أقرب من أقرب غاليًٍ(ن)وأقرب خليله
لو طلب روحي فداه ولا لها عندي بدايل=مثل ماني ما يريحني من العالم بديله
المشاعر في حضوره كنها ينبوع سايل=والمشاعر في غيابه كل قافٍ(ن)تشتكيله
ودي أسبق فكرتي وأسبق مكاتيب ورسايل=ثم أضمه فوق صدري والمشاعر تنحني له
لين أشوفه في يديه غصن ريحان يتمايل=ما يميز بين ما يكره وماهو يستوي له
وإن نشدته قال لي هايل ولو ماهو بهايل=الله أكبر يا قوافي صفقي له صفقي له
يا قصيدي عانق المجمول وإثبت له دلايل=قول للغالي مكانه بالشعر عالي جليله
يدري إن الشعر في غيره تخاريف وتحايل=وأدري إن الشعر في مثله يعدونه فضيله

هزني شوقي أغامر وأقدح زنود وفتايل
بعد شفت اللي بدالي من وصوف(ن) بالجميلة

والله إني ماتسمع في عذول وقول قايل
لين أجي وأروي ظمى روحي بمنسوع الجديله

وأتغطى عن عيونه تحت مردوف الجدايل
وأشكرهـ على عطآهـ ومدة(ن)كانت جزيله

وأسقي الملهوف من نبعي وأبرد للغلايل
لأجل ينسى مامضى يلعن زمانه قبل أجيله


فــآضلي ..}
بعيداً عن الإطراء والمجاملة ../ أنت
من يستحق الشكر الجزيل
حين أرتوينا من نبعكَ الزلال البآرد

بالفعل قد هزنا الشوق لعنآق تلك الباسقه من
الآحآسيس الـ مٌرهفه ، الـ عذبه

بل وأرتويتُ من الشعر أجزله../ الذي
صغتــه بِ أحرفكَـ الرآقيه ، والمشآعِر الصآدقه "،




:


بن هليل ،

سلمتــ يمِينكـَ ع هكذآ بوح
ودآمـ هطولكـ َال عذبــ بيننآ "،



شكـــرآً بملئ المجرة وأكثر ،

أخوكَ : قَلَمْ يَكْتُبْ أَلَمْ .