يابنت هذا العلم ما يدخل الراس=وإن كان جاك العلم حاكيه كذاب
علمٍ(ن)تقولينه يضيق للأنفاس=يشيب منه الراس لو كان ما شاب
يابنت أنا ماني بسافل من الناس=وإلا بشيطانٍ(ن)يفرق للأقراب
يابنت أنا ماني رفيقٍ(ن)للأنجاس=ومن رافق الأنجاس يابنت ينعاب
يابنت أنا حرٍ(ن)كما طير قرناس=مأنزل طمون الأرض مرقب بمرقاب
على النقا ممشاي ما أحب الأدناس=ماأدخل مع الشباك مدخالي الباب
ماأجي خفا أدق لاجيت الأجراس=أقدم الأطياب والقا لي أطياب
يا بنت أنا من قوم تتعب للأفراس=من روسهم يابنت لن ذكرت أنساب
ياما قدحنا النار في روس الأطعاس=وياما شبع من بعدنا مخلب وناب
وياما ذبحنا حيل وكبوش كباس=وياما فرجنا كرب لا جات الأنشاب
واليوم جايك نذل من قومٍ(ن)اخساس=ويقول قال وقال يفتن ونصاب
هذا الذي يستاهل الدوس ينداس=بقدامنا ماله شهامة وينهاب
دامه يزيف للحكي حلس الأحلاس=والك الكرامة واجبه ياكل تراب
هذا وجوب لكل نذلٍ(ن)وبلاس=اللي هدفهم تفرقه بين الأحباب
يابنت هذا العلم ما يدخل الراس=وإن كان جاك العلم حاكيه كذاب

صحت أبدانكم لا عدمت تواجدكم وحضوركم

سعدت بردودكم الطيبة


لكم اطيب تحية

صحت أبدانكم لا عدمت تواجدكم وحضوركم

سعدت بردودكم الطيبة


لكم اطيب تحية