ياليتنا عن ماحصل مادرانا=والا الخبر مكذوب والنعي بهتان
والا من النوم الهنئ ما صحانا=من شان مانقرأنعي طير حوران
ياربنا اللي ما تخيب رجانا=تجعل جنان الخلد منزال سلطان
ويالله ياجبار تجبر عزانا=فاللي وفاته هزت شعوب واوطان
اللي بذرعانه وجيشه حمانا=لا لد عينه يندحر كل شيطان
واللي ليا مد الكفوف وعطانا=من غيث جوده تستحي غر الامزان
الشعب كله فالجزيرة حزانا=يبكيه شيبان(ن)وتبكيه شبان
ولو البكا لاجله يرده علانا=حفيت على رده ملايين الاوجان
لكن حكمة واحد(ن)في سمانا=ولا نعترض فيما حكم عالي الشان
الموت سنة والمنية ورانا=والدايم اللي يعبده جن وانسان
ليت المنية ماخذة من حدانا=وخلتك عايش بيننا ازمان وازمان
ياشين وقع الفاجعة بامورانا=وياشين عيشتنا بعد موت سلطان