أتلفتي أعصابي بكثر الصداقات=ساعة تخالفنا بفهم الصداقه
تفسيرها عندك مجرد علاقات=وتفسيرها عندي جنون وحماقه
وليا سألتك قلتي أغلا رفيقات=كل البشر عندك صحاب ورفاقه
تبيني أصبر فوق كل الحماقات=لا أرى ولا أسمع كل هذا العلاقه
بيني وبينك بالطبايع فروقات=بفعالنا وأقوالنا واللباقه
ماهي مهمة في نظرك الخروقات=الأمر عادي بالهدوء والرواقه
لكن بعيني فرق بين النطاقات=ما يستقيم الشيء خارج نطاقه
لا صار خلطٍ(ن)بين كل البطاقات=ما عاد نعرف محتوى كل بطاقه
كافي مجاملنا وكافي لباقات=الى متى دمي بزيد إحتراقه
كنا بطريق وشتتنا طرقات=بعد الصفا بالفكر حل إصطفاقه
ما عاد فيني للمجادل لياقات=إنهد حيلي ما بقا بي لياقه
قدمت لك من نزف الأشواق باقات=جازيتني بالصد مليون باقه
أتلفتي أعصابي بكثر الصداقات=ساعة تخالفنا بفهم الصداقه