جيت من غرب الجزيرة زاير لشرق الجزيره=أتمشى في ربوع الدار ينعشني هواها
مملكتنا الغالية ياطيبها جوٍ(ن)وديره=الله اللي بالنعايم كمل الدار وحباها
مهبط الايمان قبلة فوق ظهر المسديره=حبها في كل قلبٍ(ن)وأمنية من لا رأها
غربها ربعي وشرق المملكة ربع وعشيره=قلبها النابض بنجد يدبر الدار وحماها
من الشمال ليا الجنوب الكل يمشي بالمسيره=يد وحدة والقلوب موحده مولى هداها
مكة تعانق خبرنا مابها شكٍ(ن)وحيرة=والقطيف تعانق لجدة ويفتنها حلاها
والرياض العاصمة بين المدن ذيك الأميره=كل هجرة في وطنا قادمة تطلب رضاها
في ذرى صقر العروبة ياعسى الله مايضيره=إنعمي يا دار وأهلك عين ماتطلب عماها
كلنا حراس لأرضك دون نياتٍ(ن)حقيره=والله إنك ما تضامي يا حمى نعشق ثراها
ماعلينا لو ركبنا دونك أمواجٍ(ن)خطيره=لأجلك الأرواح ترخص والغوالي من فداها
الوطن غالي علينا كل وجهاته مخيره=والله إنه مايحلم يطبها طامع بغاها
أبشري يا دار وإهني بالسلامة والستيره=دونك صقور الوطن والأمن عايش في ذراها
والله إنه ما يبيعك ياوطن من فيه غيره=الوطن والعرض عارٍ(ن)كان مانحمي حياها
بالخليج أنتي كبيرة دائماً(ن)تبقي كبيره=قبلة الإسلام مابه دولة تعلا علاها
جيت أعانق شاطي العزة شمالٍ(ن)للفجيره=أتهنا في بلاد الخير يدفعني غلاها
جيت من غرب الجزيرة زاير لشرق الجزيره=أتمشى في ربوع الدار ينعشني هواها