سلام رديه مباديها مثل مبدا النهار=يقولها اللي من بعد ماطالت الغيبه حضر
ابن هليل يشكي من الوقت وعلومه كبار= واللي يناظر للسماء يمكن رقبته تنكسر

يامرحبا ترحيبةٍ(ن)من حر رحب بالحرار=ياللي تسلم عقب غيبة جيتك جية مطر
ابن هليل من قديم الوقت ما يحب الصغار=اللي يعاين بالسماء اهون من معاين حفر

اللي يصادم له جبل لاشك هالك باختصار= يعني على ماقيل ما غرد له الطير الخضر
وانت الك مده تخبط البيدا وطيرت الغبار= وليا سرحت الصبح مدري وش تضوي بالعصر

صحيح من ينطح جبل أعمى نظر هذا قرار=وإن كان ما عندك خبر الصبر ويجيك الخبر
أنا ليا شبيت نار ينوش عثمان الشرار=وإن سلم جلده ما سلم ثوبه ليا طار الشرر

المشاركة الأصلية كتبت بواسطة قناص المها (المشاركة 138328) صح لسانك مبدا جيد وبنتظار الرد لك التقدير

المشاركة الأصلية كتبت بواسطة binhlailبن هليــل (المشاركة 138333) الله الله صحيح من ينطح جبل أعمى نظر هذا قرار=وإن كان ما عندك خبر الصبر ويجيك الخبر أنا ليا شبيت نار ينوش عثمان الشرار=وإن سلم جلده ما سلم ثوبه ليا طار الشرر

انته رقدت وقمت من نومك بعد فات القطار=الناس راحت للحيا وانته منتفك الدهر
صحيح مارب سدها هدمه حصل باسباب فار=وحسني مبارك نكبته يقلون من دولة قطر

أنا مجود رحلتي بالحجز ماهو بإنتظار=ماشد من داره يكود اللي شكى جوع وفقر
ياللي تحسبنك حكمت الصين من سد الجدار=حسني مبارك ما نكبه الا محاباة الكفر

المشاركة الأصلية كتبت بواسطة binhlailبن هليــل (المشاركة 138341) أنا مجود رحلتي بالحجز ماهو بإنتظار=ماشد من داره يكود اللي شكى جوع وفقر ياللي تحسبنك حكمت الصين من سد الجدار=حسني مبارك ما نكبه الا محاباة الكفر

تبا تخير مير والله منت لاقيلك خيار=تنصب ببشت الفقر يالناصاب وحسابك صفر
هل تعلم انا لو نصدر فوق تغريبك قرار=تبطي عظم والايجوز انك اتموت من القهر

أنا احمد الله ما علي خلاف والديرة مزار=ماضاق صدري وإن زعلت الله معطيني صبر
وش رايك نسوي مثل تونس نولع فيك نار=أحسن لك تظلي رماد ولا نحطك بالقبر

المشاركة الأصلية كتبت بواسطة binhlailبن هليــل (المشاركة 138344) أنا احمد الله ما علي خلاف والديرة مزار=ماضاق صدري وإن زعلت الله معطيني صبر وش رايك نسوي مثل تونس نولع فيك نار=أحسن لك تظلي رماد ولا نحطك بالقبر

انا يميني يالعتيبي ماتصافح باليسار=مير انت اشوفك فيك خلفه جالها تاسع شهر
نبا نودي شيخنا جابر لمستشفى شهار=احسن يقال انه خليع ولا يقال انه كفر

أنته يمينك وافية ماتجيب خير ولا عوار=ماأنته بنافعنا ببر ولا أنت نافع في بحر
خلك رزين ولا توهق لو نسعطك المرار=والا نسوقك بالعصا ونشد حملك بالظهر

المشاركة الأصلية كتبت بواسطة binhlailبن هليــل (المشاركة 138348) الله يبيض وجهك ويسعدك دنيا واخرة يا عثمان أنته يمينك وافية ماتجيب خير ولا عوار=ماأنته بنافعنا ببر ولا أنت نافع في بحر خلك رزين ولا توهق لو نسعطك المرار=والا نسوقك بالعصا ونشد حملك بالظهر

حنا غزانا القوم وانته لاتثور ولاتثار=منته صحابي(ن) جليل ولانت مهدي منتظر
الك بقلبي ياطويل العمر تقديرووقار= لو انك بتال الليالي صرت عله بالنحر

خابر مغازيكم لك الله ياطويلين العمار=على المفطح والقهاوي بالدلال اللي صفر
الله يعزك بالحياة ويرحمك يوم العسار=ماهو تقدم في حياتك تأخذه عند الحشر