يامخلف الهقوات كيف الحال يامال الشحم=انا احسب انك مت واثرك مابك الا العافيه
العام في ثورة مصر كفك يلوح بالعلم=واليوم جاك البرد دور لك عباة(ن) دافيه

الحمد لله في نعيم وخير من زود النعم= لكن هون سرعتك ياراعي الاسعافيه
ياجاهل التاريخ ماتدري عن اصحاب العزم= جاتك ثلاث وقلت ازيد وقلت ماهي كافيه

كنت احسبك راعي كرم واثرك مصاص العجم= جينا بمده وافيه قابل بمده وافيه
نوب(ن) نقول انك بري نوب(ن)نعدك متهم= لين اكتشفنا ماتحيكه يازعيم المافيه

المشاركة الأصلية كتبت بواسطة مخلف الهقوات (المشاركة 138433) فتح عيونك زين بالله لاتخم العلم خم= الوافيه من عندنا ماجبت مده هافيه ترى الدوى يبري مريض الشك ويداوي الوهم= يارعي العمله تشيلها هلل وانصافيه

انا نظر عيني مالده يم رعيان الغنم=لاتعزم العالم يامخلف وانت نارك طافيه
انكا خفت انك ليا جات الحرابه تنهزم=انفذ بجلدك لاتعرض حذفة الحذافيه

المشاركة الأصلية كتبت بواسطة مخلف الهقوات (المشاركة 138435) الصقر ماهزه نغيق البوم وطيور الرخم= حنا الاوايل مايجي ترتيبنا فالقافيه ياراعي القربه تكرم ردها فوق الوضم= ماتحفظ الما من شقوق جات فالاطرافيه

يامخلف الهقوات انا عملاق مير انته قزم=منته خوي الدرب ياراع الرجول الحافيه
كل مانجيك انغزك وتصبر على راس السهم=انوكلك حتى كبر بطنك مع الاردافيه