عامً تعدى وضعنا مربوش =طير السعد مانسمع الحانه
الفكر شارد والعقل مدهوش=والوضع دوب اختل ميزانه
العاصفه هبت على الخربوش =لين التوا طنبه بعمدانه
وعريبيه تكشخ بثوب دروش =والاغلبيه مالهم خانه
ندعي على بوش وسقا الله بوش =اثرالبلا بالعبد واعوانه
الساحر اوبامه ولد كنوش = لعبت بنا حلاوة السانه
كورُ يمشط شعره المنفوش =والغدر اله منهاج وابطانه
ساحر وضبط حبكة الدنبوش =ويطبق الخطه على شانه
يحوش بكبار المشاكل حوش =واشعل على الاسلام نيرانه
يعمل مع الغشاش والمغشوش= ويحرض الجاهل على اخوانه
وابناء المجوس بصف ابو طربوش =قلوبهم بالحقد مليانه
وحوش تدعم في قطيع وحوش =على شراب الدم عطشانه
سدوا علينا دربنا المبروش = واوضاعنا بالحيل خربانه
الشرق الاوسط بالدماء مرشوش =والشام مجروحه وحزنانه
حمص الصويبه تشكي لطرطوش=من رافضياً زاد عدوانه
كف الفتاة بدمها منقوش =والاب دمعه جرح اعيانه
وراس الفتى ينقص بالحلوش =والبيت يهدم فوق سكانه
ياحضرة العصفور ويش اتنوش= مع جارحً تلطمك جنحانه
دور وتحصل لك على عرموش =من جثةً بالحزم عريانه
عان الجنايز ممرحه بالحوش =والكلب ينهشها بنيبانه
رحنا يابو متعب طعام جحوش = ان ما وقفنا الوقفه الزانه
الضعف باسبابه تطيح اعروش =والحرب ماله غير فرسانه
اعلن وناتي للجهاد طروش =والله يعز الدين واركانه
مايردع اهل الهوش غير الهوش =في محضرً مشهود ميدانه
عشان مانغدي طعام جحوش = للطاغيه بشار واعوانه

يعمل مـع الغشـاش والمغشـوش
ويحرض الجاهل علـى اخوانـه

اي والله صدقت

صح لسانك قصيدة جزلة

لك التحية