غريبة صاحبي مدري وش اللي غيره وأقفا=بعد ما كان يسبق فكرتي من كثر جياته
من أول ما يغيب أكثر من الليلة ليا عفا=وله مدة يغيب شهور كثرت حيل صداته
ألا ليته يصارحني وش اللي يجبره يجفا=بعد ما كنت له أغلى من عيونه ونظراته
وسكنته بقلبٍ(ن)ما هوى غيره بلا حسفا=ملك حسي وفكري ما طلبته وش مجازاته
ولفيته برمش العين تحت أهدابها يغفا=وناجيته وناديته بجياته وغيباته
أسامر طيفه بليلي ويومي والخفي أخفا=أغني له قصيدي وأتعنى من معاناته
يزوره حلمي الساري ويرجع بالحفي وأحفا=هواجيسي وزادت علتي من طول غيباته
جرح قلبي بهجره جرح لا يبرا ولا يشفا=نسي مدري تناسى وإنشغل فضل ملذاته
وأنا اللي ما هدا لي بال لا روحة ولا ملفا=منى عيني يفرحني بغلطة من مسجاته
بعد ربي حرمني شوفته لا تكحل الطرفا=على الله مقبل الأيام بحياها بحسراته
ثبت لي باليقين الطرف لا من كثر الرفا=أثر ماهو بشارة خير للي مواصلي فاته
غريبة صاحبي مدري وش اللي غيره وأقفا=بعد ما كان يسبق فكرتي من كثر جياته