سلام يا أهل المنتدى منهو يقول أنا هنا=دقه بدقه والشعر يا أهل الشعر معنى وقاف
إلي سنة أمركم وأشوف مجهود وبنا=وليا تنوشت القوي يردني يم الضعاف

يامرحبا في مرحبا باللي بقافه دندنا=أحسبه جاب الجيده وأثره جايب للخفاف
الك سنة ياصاحبي ما أنته بعارف من أنا=تبا العشا ولد الجمل والا تبا فرش ولحاف

دام البقا ياللي ترحب والجواب مثمنا=بالديره اللي مدهره والناس صايبها جفاف
أعرفك ماني جاهلك والفعل ماهو بالمنا=من حج بيت الله لزمه السعي من عقب الطواف

ياصاحبي بتال غيرك طاح راسه وأذعنا=وأنته عروقك يابسه محسوب من ضمن النحاف
العيد لا تجيبه قبل شهر الصيام وتلعنا=وقت سحورك لا تسحر من عقب وقت الكفاف

ماني مثل غيري وراسي بالمواقف ما أنثنا=يارعي البندق تركد لا تعديها الحقاف
أنا على ملة محمد مالنا عنها غنا=أسجد لربي وأتدعوى بالمقام وبالمطاف

خابرك ياراع السمان الطيبة والأحسنا=تبدي نهار وباقي الأيام وينك ما تشاف
كانك على ملة محمد صل فرضك وإسكنا=والأخرة مستاخره لا تعترض حد الرهاف

ماني بعيد انا قريب والرعد لن دندنا=تسمع بصوته وإن جحدته ماعلى الباقي حساف
ياصاحبي دبش البدو وقت الدهر ما يلبنا=وأنته تعرف البدو مرزقهم بعارين وخراف

أسمع دويٍ(ن)مير ما شفت السحايب تغشنا=وإن كان لافك ماطره يلحقك من لوفه خلاف
ماباقي إلا وجه ربك والخلايق للفنا=ياشاعرٍ(ن)تسكن زمان ويضربك ليله شعاف

الله يديم لك الرخا والنور يظهر له سنا=تلقا المواري بينه مابين نون وبين كاف
إن كان تعرف للرمي الرمي خله يمكنا=معروف رمية طايشه سلم ولا منها خلاف

بتال يانعم الرجل الموت من روحك دنا=ياهونها نحر الجمل ياهونها ذبح الخراف
الرمي راكد شوف جنبك لاعبٍ(ن)فيه القنا=وإن كان ما تونس ياعلك بالزلازل والخساف