الصدق ياراع الصدق ولى زمانه وإنتهى=ما يبعث إلا يوم ربك يبعث اللي بالقبور
يا مرحبا قبل السلام أوحيت يومي قلتها=من بعدها هات العلوم اللي توسع للصدور

حياك الله يابا حازم

ا لصدق باقي مع هله مار السوالف بتها= خل السوالف تدرج ياصاحبي قدم الحضور

المرجله ودروبها ياالاجودي مافتها= ماراح لي حبة شعيره في حناحين الطيور

فرعون يوم إنه تفرعن ياالسنافي وقتها=كذب على نفسه وصدق كذبته علم مخبور
مير المصيبه ياصبي ام الكباير بنتها=قامت تنوش عيشتك والغل في جوف النحور

فرعون يون الداب جاه انكر وروحه زتها= الكبريا والغطرسه ودته في لج البحور

راحت علوم ام الكباير خمسها مع ستها= تحرم علاها ياعميلي شمة لحمة الجزور

فرعون لو يطمع بروحك في جهنم فتها=يرتاح من موسى ويضمن قوم موسى ما تثور
لا تفرح بزعتك لو حول جراد احتتها=الوقت ماشي والليالي فوق خلق الله تدور

ماطاح من صم الجبال الا لك الله فلتها= لكن تبقى شامخه بشموخها مر الدهور

زرعي موثق والجراده لو تجيني صدتها= واما الليالي علمها عند الله الرب الغفور

فلت الحصا لن حولت على النوامي قتها=ياصاحبي خلك صقر وقع بميقاع الصقور
قدام لا تغدي عليك الطيبة ما فدتها=لا تعتذر العذر شماعة قصيرين الشبور