ياجميل المحيا عريب النسب=ليت كل الليالي سهرها معك
كاملٍ(ن)ومتكمل بحسن الأدب=راحتي حين أكلملك وإلا أسمعك
ماتريح فؤادي لكل العرب=مشغل الروح والفكر يا ماأروعك
كل ما فيك رائع وكلك عجب=من مفارق جبينك لرأس إصبعك
أنت كل المنى وأنت كل الطرب=خالقك ياغرامي بحُسن أبدعك
كل ماشفت شكلك هواي التهب=سبح القلب للي بلطف صنعك
فيك مطلوب روحي ياأعز الطلب=ضمك القلب والدم بي وزعك
بين فكري ولحمي وعظم وعصب=منزرع بالخلايا هواك زرعك
الهوى والمحبة بليا سبب=ربي أراد حبك بقلبي طبعك
راحة الروح حبك وفيه التعب=خائف الحظ والوقت ليضيعك
ثم تغدي ضلوعي بناره حطب=كان ما عاد وقتي وبي جمعك
بعد فكري وقلبي وحسي نُهب=فدوتك كل نبضة بقلب رفعك
ياغلا ياحلا ياشهد ياعنب=يقطع الله مغليك كان قطعك
الهوى ياغرامي علينا إنكتب=طحت به بأربعي وأنت به بأربعك
ياجميل المحيا عريب النسب=ليت كل الليالي سهرها معك