المطوع ياجماعة قام يقصر في صلاته=أربعه ثنتين والثنتين رجعها لوحده
مشتقي بالوقت والدنيا منسيته مماته=علموني وش يسوي لا قعد بالبيت وحده

للضروره حكمها وامامنافيه التفاته= والامام الرسمي غيابه مؤثر لونسده

الحيا متبوع وبنادم بحكم الله وفاته= والديار المدهره مالي لها شوفه ولده

لا تحجج من يغير كل ليلة في مباته=وش بلاه يحك فوق الصخر يامخلوق جلده
الحيا لا من تقافا طارده بالرجل فاته=ومن تعرض للكفوف تجيه طسه فوق خده

الجماعه كل واحد قام يكتب في وصاته= الله اعلم ويش جاهم مير عد الصدق عده

ياجماعة خير جابر دوب مادارت رحاته= مير ابا اطحن حبه اللي خازنه من عهد جده

أحد يكتب في وصاته وأحد يقذعك بعصاته=والمطوع لن عجز عن واجبه لازم نمده
من قديم الوقت جدي حاطكم تحت عباته=ياعرب هذا الوليدة واجبٍ(ن)بطحه وجلده

كل شاعر ياعريف المنطقه عينه مراته= مار ضلع طويق مرسي وانت ياابن الناس قده

جدك الله يرحمه روح ببره وحسناته= وانثلم سيفه لكن السيف قلي من يحده

البعير ليا هدر حاذر تقرط في لهاته=شيل حمله بالغصب والا رضا من غير عده
وسيف جدي ما إنثلم قرب وبالمسك بشباته=السلاح ليا انطلق يابن حميد ما تصده

كيف يهدر والبعير شعيل يبحث عن نجاته= شايل حمله موسق ثم هد الحيل هده

قاضبك في ليل اظلم قضبة الاعمى لشاته= انت ياراع المسام ابعد عن اصحاب الاشده