ابن هليل رجل واضع خطته للمنتدى= ليا فقد عضو من الاعضا تكدر خاطره

الله يثيبه بعمله ياجعل مايذهب سدى= عداد نو(ن) لاح براقه ويسقي ماطره

ابن حميد حامل لهم العرب عشا غدا=حتى جنوب افريقيا الهم فيها شاطره
الله يرزقه بولد يعدي ليا منه عدا=يالله توسع له برزقه ضيق حاله فاطره

ما ني بحامل غيرهم الدين من غدر العدا= والا انت حامل هم شعرك كيف بيت الخاطره

ولدك حطه في يمينك لاضعف منك الجدى= ينفعك لامن صار طيب واله سيره عاطره

ما أنت بوكيل الله على دينه ولا نبي هدى=مربوط يا راع الصدق بالغصب تال القاطره
خلك على ماكنت يار راع العلوم ملبدا=اكل من النعمة وقاطر من تحب تقاطره

مادام هذي نظرتك احبطت دور المرشدا= متبلد الاحساس ماانت من العقول الشاطره

مايلبد الا الثعلب المكار في وكر الردى= لكن كف الدمعه اللي من عيونك قاطره

عقلي يقديني ولاني طالبٍ(ن)منك قدا=أعرف دروبي ما سلكتك يادروب مخاطره
أثرك مصيبة بالمجارير ومصيبة بالحدا=الليل توك كل راعي هجن يشعب فاطره

ماقلت في عقلك خلل لكن تمشي وتحدا= مايبطر النعمه يكود اهل النفوس الباطره

ياجابر الشيطان مايضحك على مثلي بدا= واللي تحدوى ياولد يصحيه منهو صاطره

لو قلتها ماني بسامع ما تقوله اهجدا=انا احمد الله ثابتٍ(ن)عقلي وسيرة عاطره
ياصاحبي لا تعرض عيونك لكحل المرودا=ترى العوائد كل راعي بيت يكرم خاطره