يقول:الشافي من لا تزوج من بنات النيل=فما أعده تزوج والله اللي بالبشر علام
مقولة دارجة والناس ما تدري عن التفصيل=لكن الناس تنقلها توارثها مع الأيام
وأنا أقول:الكلام يشك به يا أصحابنا بلحيل=أكيد الشافعي ماهو بداري عن بنات الشام
بنات الشام مثل الشهد لا حس الدفاه يسيل=خدود موردة وشفاه تبري عاتي الأسقام
وعودٍ(ن)مثل عود البان مع هب النسيم يميل=تقول إن الجسد من لينته ما للبني عظام
وأنا ما أقولها عن تجربة مير العيون تخيل=ليا مرن على الشاشة جرحن صيام شيخٍ صام
جمالٍ(ن)في بنات الشام مايحتاج له تحليل=ياليت الشافعي شافه قبل يمدح نساء الأهرام
يقيني لو شاف اللي نشوفه شيخنا ليميل=ولا يستبعد إن الشيخ في حب البني يهام
لكن الله ستر وصى بما وصى وصارت قيل=بناتك يامصر وصى بهن شيخ بالإسلام
يقول:الشافي من لا تزوج من بنات النيل=فما أعده تزوج والله اللي بالبشر علام

المشاركة الأصلية كتبت بواسطة فارس نجد (المشاركة 150621) صحيت وصح لسانك تقبل التحية

المشاركة الأصلية كتبت بواسطة مخاوي الذياب (المشاركة 150623) ياسلام ياسلام ابدعت وعبرت باسلوب جميل عن مقولة الشافعي

المشاركة الأصلية كتبت بواسطة نجم العرب (المشاركة 150624) صح لسانك مدد ماهو عدد ابدعت لا هنت

المشاركة الأصلية كتبت بواسطة ساحرة القوافي (المشاركة 150627) صحيت وصح لسانك يعني مافيه جمال الا بالشااااااااام

المشاركة الأصلية كتبت بواسطة عساف الأصائل (المشاركة 150631) صح لسانك لا الشافعي ولا انت ما عندكم سالفة الزين خليجي وروح لأهلك تقبل التحية

المشاركة الأصلية كتبت بواسطة ذياب بن غانم (المشاركة 150641) صح لسانك واعتلا شانك اول مرة ادري إن الشافي مصري

المشاركة الأصلية كتبت بواسطة الرقيب (المشاركة 150657) صح لسانك الشعار ما يسلم منهم الا من رحم الله يقولون مالا يفعلون

المشاركة الأصلية كتبت بواسطة سلطان البقمي (المشاركة 150661) صح لسانك يابن هليل قصيده طيبه بالحيل.. الله يعين من يشاهد القنوات كفانا الله شرها.. تقديري واحترامي...

المشاركة الأصلية كتبت بواسطة smart (المشاركة 150668) كسرت مجاديفنا يأبن هليل .. عقب هالأبيات .. ماظنتي الحرمه في بيتي تبات

المشاركة الأصلية كتبت بواسطة رباح دبيان البيضاني (المشاركة 150677) صح السانك يابن هليل ولكن انا لدي معارضه انا باقول لاوالله . لا .ذولك . ولا.هاذيل = بنات المملكه ما مثلهن عن كل ذولا حشام

المشاركة الأصلية كتبت بواسطة ابن عميش (المشاركة 150678) شاعرنا المميز بن هليل هذا الوصف وانت بدوي بكرتونه كيف لو سافرت الشام الله يعيطك الف عافيه على هذا التألق والوصف الرائع والمميز وبنات الحجاز هواهن حجازي ويعدل المزاجي لك التحيه والتقدير