الأوله /يالله يالمعبود علام الغيوب=يارافعِ سبعِ وباسط سبع وارسى أوتادها

والثانيه/تحفظ ملكنا اللي سكن كل القلوب=سيًد ملوك الكوره الأرضيه اومن سادها

والثالثه/تغفر لنا كل الخطايا والذنوب=وانصر حكومتنا وديرتنا على حسادها

والرابعه/تحمى وطنا من لضى نار الحروب=لعل من يشعل فتايلها حطب وقادها

والخامسه/حنا لها ونتوًب اللي مايتوب=لالاح بارقها ودندن بالسما رعادها

والسادسه/بني سعد عن عزوة الهيلا تنوب=تهدي التهاني للمليك جدودها واحفادها

والسابعه/ماني على بدع التماثيل إمغصوب=من عادة الشاعر يجود إبها على ميعادها

والثامنه/مواقف الشجعان ماعنها هروب=نرد بنحور الأعادي كيدها واحقادها

والتاسعه/حنا ظلال الهامه اودرع الجنوب=عبدالله إلنا الأب.والدار أم وحنا أولادها

والعاشره/نبعث تهانينا مع أنسام الهبوب=لك ياولي العهد ياسلمانها وعمادها

وختامها.طاعه.ولاء.إخلاص.من قلب إمحبوب=يحبكم ويحب هذا المملكه وامجاده

واللي بعدها صح قلبك يامكمل للطيوب=
الدار دارك والبلد يفخر بها روادهها=

أبو محمد

صح لسانك لين ترضى وفيت وكفيت لا هنت

الوطن والمليك مهما قلنا بحقهم نظل مقصرين

بيض الله وجهك على هالجزلة وليس ذلك بغريب منك


تقبل تقديري

المشاركة الأصلية كتبت بواسطة رباح دبيان البيضاني (المشاركة 160507) والثامنه/مواقف الشجعان ماعنها هروب نرد بنحور الأعادي كيدها واحقادها والتاسعه/حنا ظلال الهامه اودرع الجنوب عبدالله إلنا الأب.والدار أم وحنا أولادها صح السانك ..... يا ابو محمد . ولا غرابه بالوفاء من اهل الوفاء ..... جزاله من راعي جزاله ...