ياسلامي عليكم ياملوك الصروح=يا رجالن يفوح الهيل بدلالها
كيف نعرف بجد علومكم والمزوح=دلة الكيف منهو صب فنجالها

مرحبا يا عميلٍ(ن)بالسوالف نضوح=قافلة ما تخصك ما أنت جمالها
ما علينا من اللي يكثرون المدوح=كل ديرة بها حقٍ(ن)من رجالها

الخبر بالجزيرة ما يعاوز شروح=تنقض حبال علمك وأنت فتالها
قلت لك قبل هذا لا تزيد الجروح=قلت ما هو بشانك ذوق زلزالها

المشاركة الأصلية كتبت بواسطة بتال الاقرع (المشاركة 161017) العذر والسموحة تأخرت عنك الخبر بالجزيرة ما يعاوز شروح=تنقض حبال علمك وأنت فتالها قلت لك قبل هذا لا تزيد الجروح=قلت ما هو بشانك ذوق زلزالها

الجزيرة قناةٍ(ن)ماتحب الوضوح=وأنت أظنك مراسلها وطبالها
ما يجي بالسهولة بالسهوله يروح=لا تعرض لخيلٍ(ن)ما أنت خيالها

دخنت ناركم والقدر عانه يفوح=والرحا تدرج والطحن بثفالها
التمر ما يجي ياصاحبي من طلوح=بلشت ام الكباير طشوا عيالها

المشاركة الأصلية كتبت بواسطة بتال الاقرع (المشاركة 161028) دخنت ناركم والقدر عانه يفوح=والرحا تدرج والطحن بثفالها التمر ما يجي ياصاحبي من طلوح=بلشت ام الكباير طشوا عيالها

الأسد ما يهابك يالحسيل النطوح=لأجلك الناس ماتترك لمنزالها
القوافل تسير وصوتكم يالنبوح=مايغير لممشاها ومكيالها

لا تسوي جمايل بالبخيل الشحوح=البشر يالعتيبي كاثر اخمالها
المعاريف ما تثمر بقوم اللحوح=يعسى سيل واد السيل يشتالها

المشاركة الأصلية كتبت بواسطة بتال الاقرع (المشاركة 161036) لا تسوي جمايل بالبخيل الشحور=البشر يالعتيبي كاثر اخمالها المعاريف ما تثمر بقوم اللحوح=يعسى سيل واد السيل يشتالها

ما حسبنا حسابك يالشرود الرموح=جاهز القيد وحمولك وحبالها
سايس الخيل عسًف للحصان الجموح=السباع الضواري بان مدهالها

بارق الموسمية في سحابه يلوح=والبدو من دهرهم ترقب خيالها
ياطبيب القلوب الطب ما يرد روح=المخاليق ما تذهب عن أجالها

المشاركة الأصلية كتبت بواسطة بتال الاقرع (المشاركة 161045) بارق الموسمية في سحابه يلوح=والبدو من دهرهم ترقب خيالها ياطبيب القلوب الطب ما يرد روح=المخاليق ما تذهب عن أجالها

بارق الموسمية ماقطر له نشوح=والبدو ما تخلي دوم ترحالها
أخر الطب كيك ياصعيب القروح=والبيوت الظليلة لوذ بظلالها

لا تعجل لرزقك لو عندك طموح=التعجل على الأرزاق يغتالها
راع الذود يعرف صعبها والمسوح=والغشيم الحرامي صاح واوما لها

المشاركة الأصلية كتبت بواسطة بتال الاقرع (المشاركة 161050) لا تعجل لزقك لو عندك طموح=التعجل على الأزاق يغتالها راع الذود يعرف صعبها والمسوح=والغشيم الحرامي صاح واوما لها

ذودنا حافظينه عن قباحة قبوح=ماهي بذود تتبع كل من جالها
رابية في عزازٍ(ن)يالسبيع السلوح=حادي العيس يابتال يبرى لها

المشاركة الأصلية كتبت بواسطة binhlailبن هليــل (المشاركة 161023) الجزيرة قناةٍ(ن)ماتحب الوضوح=وأنت أظنك مراسلها وطبالها ما يجي بالسهولة بالسهوله يروح=لا تعرض لخيلٍ(ن)ما أنت خيالها