من يوم غبت وعني العقل غائب=والنوم جافا العين والقلب مذهول
إن قلت لك ذائب فانا فيك ذائب=هذا شعور النفس من غير ما قول
أي والله أنت واحد من الحبائب=أنت الذي بالقلب ساكن على طول
القلب حبك دون كل القرائب=حليت بين القلب والروح يا حول
ما كنت أظن العشق جل المصائب=اثره صعيب ومشكله ما له حلول
ما أقساك يا حبٍ نما في صعائب=وش لون تلقا له من الهرج معسول
وأغرب غريبه في زمان الغرائب=تعشق خيال وتهتوي شيء مجهول
في ظرف شهر تصير هلكان شايب=الجسم ناحل والعقل صار مخبول
ولا تحسب إني بالهوى صرت هايب=حشا يا سيد الكل الراي مفتول
لا والذي أنشا السما والسحائب=حبك بقلبي ما بقى العمر مشيول
إستوطن الخفاق طيب وغصايب=حتى ولو إنه من الخلق منزول
ما كان قبلك طيرته الهبايب=وشيء بني من ماش لا بده يزول
ماني بتائب عنك لو قلت تائب=ولاني بسامع هرج عاذل لمعذول
أنت بقلبي عجبة من عجائب=يا حلوها يا مرها عدل وميول
بين الصبر والشوق غادي وأيب =برسل عليك القلب من غير مرسول
والمختصر ماني من الشوق طايب=ببقى رهين الحلم والقلب مشغول
حتى ولو شبت بقلبي لهايب=هذا قراري لو ماهو بمعقول
ما دامت إن الزين دونه كتائب=ماني بلاقي حل والفكر مشلول
ويا عل رب العرش يرسل سبائب=نلقى بها حيله تفرج لنا الهول

المشاركة الأصلية كتبت بواسطة الــزعــيــم (المشاركة 21242) صح الله الساااانك وبيض الله وجهك لك خالص التحية

المشاركة الأصلية كتبت بواسطة نجم العرب (المشاركة 34912) صح لسانك ما قصرت بيض الله وجهك لك تحيتي