يابحر من صفق الهوا موج المشاعر يصطفق=غرق مراكب حلمنا حطم مراسي صبرنا
حلو الأمل يابحرنا في داخل أعماقك غرق=تكسرت مجادفه ساعة نويت بغدرنا
طفل الهوى حاول يقرب للمواني ما لحق=غدى شهيد لموجك الغدار لحظة جزرنا
ما باقي إلا ذكريات لماضي أزمان العشق=حرقة تحت كوم الرماد اللي يغطي جمرنا
يغلي بها دمٍ(ن)يلف من المواطي للعنق=شواهده بخار لأنفاسٍ(ن)تغادر صدرنا
الصدر منها كل ليلة من وهجها يختنق=إلى متى قلب العنا يقدر يحفظ لسرنا
يكاد منها خافقٍ(ن)خلف المحاني يحترق=وإن ضاع ضعنا والأمر لله ماهو بأمرنا
مواجع الشوق العنيف القلب منها منفلق=والفكر يكبح للمشاعر لا تنزل قدرنا
يا خوف قلبي يازمن لو اللسان بها نطق=عز الله إنا مثل ما قالوا حفرنا قبرنا
يالله يامنزل لتبت مع تبارك والفلق=تمم لنا فضلك طلبتك يا الهي سترنا

المشاركة الأصلية كتبت بواسطة دقة قلب (المشاركة 163314) مصافحة أولى لحضور عابق بالعذوبة والجزالة وروائع الشعر لمبدع شعر صح لسانك ونبضك مدد شاعرنا ابن هليل دمت ودام لنا حضورك وابداعك . تحيتي وتقديري لك .

المشاركة الأصلية كتبت بواسطة فارس نجد (المشاركة 163323) الله الله صحيت وصح منطوقك قصيدة تصويرية جميلة تقبل الاحترام