يا مشغلٍ(ن)للقلب بوعودك=صدقت إنك بالهوى صادق
كل ما تهب بخافقي نودك=رحب وهلا بطيفك الطارق
أرتاح لن حسيت بوجودك=وإن غبت صدري مختنق ضايق
يرضيني من المد موجودك=لو كان حلم أضم وأعانق
ماني بطالب فوق مجهودك=عذر الكريم ولا كرم سارق
واليوم أشوفك تقفل حدودك=تقصر حبال الوصل بتفارق
كثر الغياب وتبدي صدودك=والقلب من سم العذر شارق
والله يعلم وشبعد زودك=وشناوية في مغرمٍ(ن)غارق
تسقيه وإلا حدك رعودك=يا مزنةٍ(ن)من راعد وبارق
متى يجينا منك مردودك=يطفي لهيبٍ(ن)بالحشا حارق
يا مشغلٍ(ن)للقلب بوعودك=صدقت إنك بالهوى صادق

المشاركة الأصلية كتبت بواسطة سعد حميد الثبيتي (المشاركة 163599) جزله من شاعر جزل لك تقديري واعجابي

المشاركة الأصلية كتبت بواسطة نجم العرب (المشاركة 163601) الله الله صح لسانك مدد ماهو عدد دائما تتحفنا بما تنظم خالص التحية

المشاركة الأصلية كتبت بواسطة أبو الطيب (المشاركة 163609) يا سلام عليك قصيدة راقية مبنى ومعنى صح لسانك وسلم بنانك

المشاركة الأصلية كتبت بواسطة الصقــار (المشاركة 163611) صح لسانك مبدع دائما لله درك تقبل مروري

المشاركة الأصلية كتبت بواسطة ندى القوافي (المشاركة 163634) تسلم ايدك وصح منطوقك ربي يسعدك وما يحرمنا منك

المشاركة الأصلية كتبت بواسطة أبو سعد (المشاركة 163638) كايفة كايفة راقت لأبو سعد