الشاعر المسعودي
واصدري الي كن جوفه معاميل = دكت ضلوعي واشعلت في الحنايا

حسبي الله على بليسك يا سعيد

هذا ردي المتواضع عليك

المسعودي جار ديرة وعاني وأخذتني حمية الجاهلية بقف بصفه لو بوجه سعيد

ههههههههههههههههههههههههههه

ياسعيد لو خشيت بين التفاصيل=تلقا الهوى ياسعيد بلوى البلايا
الحب هز ملوك روسٍ حلاحيل=وياكم طوع من عقيد لسرايا
الحب ما ينكره غير الطرابيل=اللي نهار الغزو تغدي همايا
عنتر عشق عبله كما شاعر هذيل=غزى بلاد الفرس لأجل الهدايا
شاعر هذيل أبدع براع الخلاخيل=نعرف هذيل ليا تنادوا حمايا
لطامة العايل ونحارة الحيل=وياما نهار الغزو كسبوا سبايا
ماهم بذلانٍ(ن)ولاهم مهابيل=أهل الوجيه الصبح تندا ندايا
أهل السوف الجرد عسافة الخيل=في ظلهم عاشن ضعوف الولايا
لو يلزمون سعيد يعطونه شعيل=هذلان لا مدت جزيلة عطايا
ما يحسبون حساب للقال والقيل=ولا حرجوا بسوق النخس والخصايا
أيامهم ياسعيد دايم مقابيل=ما يتبعون ملقيات القفايا
وليا تغنوا بالشعر والتماثيل=جابوا من الأمثال حلو السجايا
ماهمهم بالوقت ناسٍ(ن)مغاليل=اللي يحبون الحكي والزرايا
الليلة الطاروق ياليل ياليل=سعيد بعد اليوم ماهو معايا