الله إنه يرحمك وقت التصافي=حين كنا كل ساعة نتصل
كم سهرنا طرفنا ماهو بغافي=لو نواصل عام ما نشعر كسل
ما هقيت يصير بالوضع انحرافي=ولا هقيت بهجر من عقب الوصل
أجمل أيام الزمن صارت خلافي=قبل يغزي ودنا جيش الزعل
حين كنا نحلم بحبٍ(ن)خرافي=والمشاعر طعمها مثل العسل
تاهت الأحلام في صحرا التجافي=وجفت الأرياق في حلق الأمل
الليالي صايره غبرٍ(ن)عجافي=والعواطف كن صايبها شلل
جمر شوقك في ظلام الصد طافي=وجمر شوقي في خفوقي مشتعل
ما تطفي نارها فرقة مطافي=ما يطفي حرقتي غير الأجل
ياغرامٍ(ن)حل بي ماهو بكافي=زيدني دام العنا حل وحصل
احرق الخفاق وضلوعٍ(ن)نحافي=دام عودي من معاناتي نحل
كنت قبل الود في وقتي سنافي=وصرت بعد الحب مفتون النجل
الله إنه يرحمك وقت التصافي=حين كنا كل ساعة نتصل

المشاركة الأصلية كتبت بواسطة عبير الشوق (المشاركة 164820) ياغرامٍ(ن)حل بي ماهو بكافـي زيدني دام العنـا حـل وحصـل احرق الخفاق وضلوعٍ(ن)نحافي دام عودي من معاناتـي نحـل كنت قبل الود في وقتي سنافـي وصرت بعد الحب مفتون النجـل استاذي :ذلك العتاب اوان شئت أطلقناعليه حديث النفس صيرت لنامنه لوحة فاتنة بديعة صح نبضك والقلم تحياتي العطره وكل التقدير

مشرفتنا الراقية

المشاركة الأصلية كتبت بواسطة ملكة الذوق (المشاركة 164822) يالروعة حرفك النابض ابدعت استاذ الشعر خالص الود

المشاركة الأصلية كتبت بواسطة smart (المشاركة 164824) دائما مبدع ..صح لسانك لاهنت