يا حبيبي ليش تتعمد شقاي=ما كفاك البعد معلن للهجر
ياقمر ليلي ياشمسي في سماي=صرت من حبك مواصل للسهر
ليه تبخل باتصالك ياغلاي=لا سلام ولا كلام ولا خبر
أنتظر لك في صباحي وا مساي=ومن مغيب الشمس لا وقت الفجر
ودي بكلمه تخفف من عناي=لو عتاب أهون علي من الصبر
ما هقيت إنك تخيب لي رجاي=ولا هقيت إنك بتذبحني قهر
وأنت عارف علتي عندك دواي=تعرف بحالي وتدري بالخطر
لا قطعت الوصل تجلب لي غثاي=والتجاهل ياغلا طعمه أمر
ما كفاك سنين طاولني ضماي=كم شكيت وقلت لي اشرب بحر
عقب جئتك مندفع على عماي=ماشربتك يابحر مدري نهر
لا قدرت أقدم ولا أعود وراي=صرت كني جالب التمر لهجر
ما جنيت من الغرام إلا عواي=ذئب عاوي من مجاعات وفقر
اجمع الأحلام وأودعها حشاي=صار صدري للهوى مثل القبر
الحلوم كبار والواقع بلاي=ما تحقق شيء في ماض العمر
ما وفا لي بالزمان إلا رداي=ساترٍ(ن)للحال عن لوم البشر
والمواجع كلها داخل سقاي=من تجاريب الزمان اجمع عبر
يافصول العمر طاولني شتاي=الحياة دروس والدنيا ممر
يا حبيبي ليش تتعمد شقاي=ما كفاك البعد معلن للهجر

المشاركة الأصلية كتبت بواسطة ذيبان (المشاركة 165128) مصافحة 1 تشرفت بان اكون اول من يرد على هذه الدرة صح لسانك مليااااااااااااااااااااااااار

المشاركة الأصلية كتبت بواسطة ملك القلوب (المشاركة 165134) الله الله صح لسانك يا استاذنا وشاعرنا ابداع شاعر متجدد تقبل التحية والاحترام

المشاركة الأصلية كتبت بواسطة دليل القوافــل (المشاركة 165135) صح لسانك واعتلا شانك قصيدة رائعة بروعة شاعريتك خالص التحية

المشاركة الأصلية كتبت بواسطة عبير الشوق (المشاركة 165139) بعض العتب له لذة صح لسانك استاذي على الطرح المرهف تقديري

المشاركة الأصلية كتبت بواسطة أسد العرب (المشاركة 165146) صح لسانك يا مبدع القوافي دائما تتحفنا بقصائدك

المشاركة الأصلية كتبت بواسطة مخاوي الذياب (المشاركة 165149) صح لسانك شاعر القوافل المميز قصيدة رائعة تقبل مروري

المشاركة الأصلية كتبت بواسطة الرقيب (المشاركة 165158) صح لسانك مليون ولا يكفون مبدع دائما