حبيبي حبيبي تذكر لوقتنا اللي فات=زمان الهوى في عنفوانه يساهرنا
نسامر غرام قلوبنا للفجر ما إنبات=على ضوء شمع الحب يحلا تسامرنا
تراقص لنا في ليلنا شعلة الشمعات=بفواحةٍ(ن)للعطر نشوى تعطرنا
نشبك لأصابعنا ونتبادل البسمات=وجو الهنا تنعشه ريحة مباخرنا
تبان المشاعر والمطالب من النظرات=ونغرق بدون حساب داخل مشاعرنا
يخيم علينا الصمت من فرحنا لحظات=ونبض القلوب بلهفة الشوق يمطرنا
نزف المشاعر للهنا والسعد بسكات=على دقة قلوبٍ(ن)بتجبر خواطرنا
قلوبٍ(ن)تعلى نبضها نسمع الدقات=تلج بصدورٍ(ن)أخشى برجفه يفجرنا
نسينا الكلام بسكرة الشوق والأهات=حروف الهجا ما عاد تنطق حناجرنا
بدينا لرحلة غوص في داخل اللجات=بعمق المحيط اللي بموجه يحاصرنا
نسينا لأسامينا وللهم واللوعات=شربنا من أقداحه وشربه يسكرنا
ورحنا بعالم غير عن عالم الشدات=حصدنا حلومٍ(ن)سطرتها دفاترنا
ولا ني بداري كيف مرت بنا الساعات=بلحظة ضياع العقل منهو يذكرنا
قضينا ليالي عمرنا كيف هي ما جات=على حسب ما كنا ونصت دساترنا
ألا ليت وقتٍ(ن)فات يا حبيبي ما فات=نعود كما كنا هوانا يساهرنا

المشاركة الأصلية كتبت بواسطة القنـــــاص (المشاركة 166319) مصافحة ملكية شاعرنا المتألق في كل بحور الشعر وقوافيه طاب مساءك ليس لي امام هذا الرقي الا أن أقول صح لسانك الى الرضا قصيدة رائعة عذبة رومنسية صورت ليل أنس شاعري لله درك خالص التحية والاحترام

المشاركة الأصلية كتبت بواسطة عبير الشوق (المشاركة 166321) الله ما اجمل هذه القصيدة الناطقة إطار خاص يصنعه الإنسان لنفسه وينسج حوله الخيالات وصورة لاتخدشها ظروف البعد عن المحبوب إلا حين عودة إلى ارض الواقع .. صح نبضك أستاذي ودام عطائك تقديري