يارب تسعد حبيبٍ(ن)حبه أسعدني=من يوم دخل حياتي زانت أيامي
لحظات عنده تساوي عمر بعدني=يا فرحتي لا حضنته لو بأحلامي
ماعمري بيوم لأشتقت وحدني=حتى لو إنه بعيد يصير قدامي
أجيه من غير حتى ما يواعدني=وليا بغاني يجيني غاية مرامي
فديت ذوقه وشوقه فيه فردني=وفديت عمره لعمري تاج و وسامي
أخلصت له بالهوى وأخلص و وردني=منابع الشهد وأبرى علة أسقامي
ما خالج الصدر شك بيوم يجحدني=أروى عروق الفؤاد المنهك الظامي
يعرف مطاليب روحي قبل ينشدني=يكشف مطاليب روحه قاري الهامي
ياما على ناعم الذراعان وسدني=وياما بشتاء البرد دفاني بالأكمامي
وياما ليالي طوال الشوق سهدني=لا كنت ماني قريب والجسد حامي
ياما ليا جئت له محرور بردني=من عذب الأنفاس يطفي واقد هيامي
الوذ به لا هجير الشوق شردني=يجمع شتاتي بصدرٍ(ن)دافيٍ(ن)زامي
بالمختصر صاحبي بالحب جودني=وصل غرامه بعمري مخ الإعظامي
يارب تسعد حبيبٍ(ن)حبه أسعدني=من يوم دخل حياتي زانت أيامي